INDW vs PAKW: भारताचा पाकिस्तानवर एकतर्फी विजय! टीम इंडियाची विजयी घौडदौड कायम

फातिमा सनाने चौथ्या षटकात स्मृती मानधनाला पायचीत करत भारताला तिसरा मोठा धक्का दिला. महिलांच्या आशिया चषकात रिव्ह्यूची व्यवस्था नसल्याने पंचांच्या निर्णयाला संघाला आव्हान देता आलं नाही.

फातिमा सनाने दुसऱ्या षटकात शफाली वर्माला झेलबाद केलं. फातिमाच्या चेंडूवर सरळ फटका खेळताना तिच्याकडूनच झेलबाद झाली. फातिमाने झेलबाद केल्यानंतर शफाली वर्माला मैदानाबाहेर जाण्याचा इशारा केला.

दीप्ती शर्माच्या १९व्या षटकातील पहिल्या चेंडूवर रिचा घोषने कमालीचा स्टंपिंग करत पाकिस्तान संघाला ऑलआऊट केलं. पाकिस्तानचा संघ फक्त ५४ धावा करत सर्वबाद झाला. पाकिस्तान महिला संघाची टी-२० आंतरराष्ट्रीय क्रिकेटमधील ही सर्वात कमी धावसंख्या आहे. भारताच्या फिरकी गोलंदाजांनी कमालीची गोलंदाजी केली. श्रीचरणी व प्रेमा रावत यांनी ३-३ विकेट्स घेतल्या, तर दीप्ती शर्माने २ आणि शफाली वर्माने १ विकेट घेतली.

दीप्ती शर्माने १४व्या षटकातील पहिल्याच चेंडूवर एमान फातिमा धावबाद झाली. दीप्तीच्या हातातून चेंडू निसटला पण तरीही तिने चेंडूवर नजर ठेवत अखेरीस तिला धावबाद केलं.

प्रेमा रावतने नवव्या षटकातील अखेरच्या चेंडूवर शदाफ शम्सला क्लीन बोल्ड करत पाचवी विकेट मिळवून दिली. यासह पाकिस्तानचा निम्मा संघ माघारी परतला.

श्री चरणीने सहाव्या षटकात दोन विकेट्स घेत पाकिस्तानला लागोपाठ धक्के दिले. या षटकातील दुसऱ्या चेंडूवर गुल फिरोजा शून्यावर झेलबाद झाली. त्यानंतर अखेरच्या चेंडूवर श्री चरणीने सलामीवीर झुल्फिकारला पायचीत करत झेलबाद केलं. यासह पाकिस्तानने पॉवरप्लेमध्ये ३ विकेट्स गमावत २९ धावा केल्या.

नंदनी शर्माच्या दुसऱ्या षटकात भारताला पहिली विकेट मिळता मिळता राहिली. प्रतिका रावलकडून सोपा झेल सुटला. यासह ३ षटकांत पाकिस्तानने १६ धावा केल्या आहेत.

स्मृती मानधना, शफाली वर्मा, प्रतिका रावल, हरमनप्रीत कौर (कर्णधार), भारती फुलमाली, रिचा घोष (यष्टीरक्षक), दीप्ती शर्मा, प्रेमा रावत, नंदनी शर्मा, श्री चरणी, क्रांती गौड

भारत आणि पाकिस्तान महिलांच्या आशिया चषक सामन्याची नाणेफेक पाकिस्तान संघाने जिंकत प्रथम फलंदाजी करण्याचा निर्णय घेतला आहे. यासह टीम इंडिया गोलंदाजीने सामन्याला सुरूवात करेल.

स्मृती मानधना, शफाली वर्मा, प्रतिका रावल, हरमनप्रीत कौर (कर्णधार), भारती फुलमाळी, रिचा घोष (यष्टीरक्षक), दीप्ती शर्मा, प्रेमा रावत, नंदनी शर्मा, श्री चरणी, क्रांती गौड, जी कमलिनी, रेणुका सिंह ठाकूर, अरुंधती रेड्डी, राधा यादव.

हरमनप्रीत कौरच्या नेतृत्वाखालील भारतीय महिला संघ सध्या उत्कृष्ट लयीत आहे. गट-फेरीतील सुरुवातीच्या दोन्ही सामन्यांत एकतर्फी विजय मिळवून भारतीय संघाने उपांत्य फेरीतील आपलं स्थान आधीच निश्चित केलं आहे. दुसरीकडे, पाकिस्तानच्या महिला संघानेही आपल्या पहिल्या सामन्यात थायलंडचा ३५ धावांनी पराभव करून विजयी सुरुवात केली होती, त्यानंतर हाँगकाँग चीन संघाचा १३७ धावांनी विजय साकारला.