IND vs SA: भारताचा दक्षिण आफ्रिकेवर विक्रमी १३५ धावांनी मोठा विजय, मालिकाही जिंकली

भारताने दक्षिण आफ्रिकेचा १३५ धावांनी पराभव करत चार सामन्यांची टी-२० मालिका ३-१ अशी जिंकली. भारताने दिलेल्या २८४ धावांच्या लक्ष्याचा पाठलाग करताना आफ्रिकेचा संघ १८.२ षटकांत केवळ १४८ धावाच करू शकला. रमणदीपने सिपामाला बाद करून आफ्रिकेला ऑल आऊट केलं.

ट्रिस्टन स्टब्स, वरूण चक्रवर्ती, डेव्हिड मिलर, सिमेलेन यांना वरूण चक्रवर्ती आणि रवी बिश्नोई यांनी बाद केलं.

दक्षिण आफ्रिकेने ४ विकेट्स गमवल्यानंतर ट्रिस्टन स्टब्स आणि डेव्हिड मिलरची जोडी मैदानावर आहे. ७ षटकांत आफ्रिकेने ४ बाद ४१ धावा केल्या आहेत.

कोएत्झीच्या १५व्या षटकात तिलक वर्मा आणि संजू दोघेही बाद बाद होता वाचले. यासह भारताने १५ षटकांत २०० धावा केल्या. १५ षटकं पूर्ण होईपर्यंत भारताने १ बाद २१९ धावा केल्या आहेत. यासह संजू आणि तिलक वर्माने दक्षिण आफ्रिकेविरूद्ध १५० धावांची सर्वात मोठी भागीदारी रचली आहे.

भारताने १० षटकांत १ बाद १२९ धावा केल्या आहेत. टी-२० क्रिकेटमध्ये १० षटकांनंतर भारताची ही दुसरी सर्वात मोठी धावसंख्या आहे.

पॉवरप्लेच्या अखेरच्या षटकातील पाचव्या चेंडूवर अभिषेक शर्मा झेलबाद झाला आहे. अभिषेकच्या बॅटची कड घेत चेंडू क्लासेनच्या हातात गेला. यासह अभिषेक शर्मा १८ चेंडूत ४ षटकार आणि २ चौकार मारत बाद झाला. यासह भारताने पॉवरप्लेमध्ये १ बाद ७३ धावा केल्या.

अभिषेक शर्मा आणि संजू सॅमसनने तुफान फटकेबाजी करत आहेत. चार षटकांत संजू आणि अभिषेकने मिळून ४४ धावा केल्या आहेत. तर ५व्या षटकात अभिषेकने पहिल्या चेंडूवर षटकार खेचताच भारताने ५० धावा पूर्ण केल्यात.

पहिले षटक मार्काे यान्सेन टाकत होता. पहिल्याच षटकात संजू सॅमसन आणि अभिषेक शर्मा दोघेही बाद होता होता वाचले. संजू सॅमसनने तिसऱ्या चेंडूवर फटका मारला पण स्लिपमध्ये झेलबाद होता होता तो वाचला. तर चौथ्या चेंडूवर रिझा हेंड्रिक्सने अभिषेक शर्माचा झेल सोडला.

मालिरकेतील अखेरच्या टी-२० सामन्यासाठी दोन्ही संघ राष्ट्रगीतासाठी मैदानात उतरले आहेत. तीन सामन्यांनंतर चौथा टी-२० सामना निर्णायक ठरणार आहे.

संजू सॅमसन (यष्टीरक्षक), अभिषेक शर्मा, तिलक वर्मा, सूर्यकुमार यादव (कर्णधार), हार्दिक पंड्या, रिंकू सिंग, रमणदीप सिंग, अक्षर पटेल, अर्शदीप सिंग, रवी बिश्नोई, वरुण चक्रवर्ती

भारतीय संघाने नाणेफेक जिंकत प्रथम फलंदाजी करण्याचा निर्णय घेतला आहे. या मैदानावर नाणेफेक जिंकून प्रथम फलंदाजी करणाऱ्या संघाने अनेकदा विजय मिळवला आहे. दोन्ही संघांच्या प्लेईंग इलेव्हनमध्ये एकही बदल करण्यात आलेला नाही.

भारत आणि दक्षिण आफ्रिका आतापर्यंत २९ टी-२० सामने एकमेकांविरुद्ध खेळले आहेत. भारत १६ विजयांसह आघाडीवर आहे, तर दक्षिण आफ्रिकेने १२ विजय मिळवले आहेत. एक सामना अनिर्णित राहिला.

भारतीय संघाला सूर्यकुमार यादवच्या कर्णधारपदाखाली दक्षिण आफ्रिकेत मालिका विजयाची चांगली संधी आहे. रोहित शर्माच्या टी-२० मधील निवृत्तीनंतर भारतीय संघाच्या कर्णधारपदाची जबाबदारी सूर्यकुमार यादवच्या खांद्यावर दिली आहे. भारतीय क्रिकेट संघ सूर्यकुमार यादवच्या नेतृत्वाखाली प्रथमच दक्षिण आफ्रिकेविरुद्ध टी-20 मालिका खेळत आहे.