india vs south africa india beat south africa by 16 runs in second t20 cricket match zws 70 | Loksatta

भारत-दक्षिण आफ्रिका ट्वेन्टी-२० मालिका : भारताला विजयी आघाडी ; दुसऱ्या सामन्यात आफ्रिकेवर १६ धावांची मात; सूर्यकुमार, राहुलची अर्धशतके

मिलरने ४७ चेंडूत ८ चौकार, ७ षटकारांसह नाबाद १०६ धावा केल्या. मात्र, त्यांना आफ्रिकेला विजय मिळवून देता आला नाही.

भारत-दक्षिण आफ्रिका ट्वेन्टी-२० मालिका : भारताला विजयी आघाडी ; दुसऱ्या सामन्यात आफ्रिकेवर १६ धावांची मात; सूर्यकुमार, राहुलची अर्धशतके
सूर्यकुमारने २२ चेंडूंत ६१ धावा करताना पाच चौकार आणि पाच षटकार लगावले.

गुवाहटी : सूर्यकुमार यादव (२२ चेंडूंत ६१ धावा) आणि केएल राहुलच्या (२८ चेंडूंत ५७) फटकेबाज अर्धशतकांच्या बळावर भारताने रविवारी दुसऱ्या ट्वेन्टी-२० क्रिकेट सामन्यात दक्षिण आफ्रिकेवर १६ धावांनी मात केली. यासह भारताने तीन सामन्यांच्या मालिकेत २-० अशी विजयी आघाडी घेतली आहे.  

भारताने प्रथम फलंदाजी करताना निर्धारित २० षटकांत ३ बाद २३७  धावा केल्या. त्यानंतर दक्षिण आफ्रिकेचा डाव २० षटकांत ३ बाद २२१ धावांवर मर्यादित राहिला. डेव्हिड मिलर (४७ चेंडूंत नाबाद १०६) आणि क्विंटन डीकॉक (४८ चेंडूंत नाबाद ६९) यांचे प्रयत्न अपयशी ठरले.

आव्हानाचा पाठलाग करताना दक्षिण आफ्रिकेला दुसऱ्याच षटकात अर्शदीप सिंगने दोन दणके दिले. अर्शदीपने तीन चेंडूंच्या अंतराने कर्णधार टेम्बा बाऊमा (०) आणि रायली रूसो (०) यांना बाद केले. त्यानंतर एडीन मार्करमची (१९ चेंडूंत ३३) आक्रमकता अक्षर पटेलने रोखली. दक्षिण आफ्रिकेचा संघ ३ बाद ४७ अशा अडचणीत असताना एकत्र आलेल्या डीकॉक आणि मिलर यांनी १७४ धावांची अभेद्य भागीदारी केली. मिलरने ४७ चेंडूत ८ चौकार, ७ षटकारांसह नाबाद १०६ धावा केल्या. मात्र, त्यांना आफ्रिकेला विजय मिळवून देता आला नाही.

त्यापूर्वी, राहुल आणि कर्णधार रोहित शर्मा (३७ चेंडूंत ४३) यांनी आक्रमक सलामी दिली. त्यानंतर सूर्यकुमारने २२ चेंडूंत ६१ धावा करताना पाच चौकार आणि पाच षटकार लगावले. त्याने केवळ १८ चेंडूंत अर्धशतक पूर्ण केले. भारताकडून हे दुसऱ्या क्रमांकाचे वेगवान अर्धशतक ठरले. तसेच सूर्यकुमार व विराट कोहली यांनी ४३ चेंडूंत १०२ धावांची भागीदारी केली. कोहलीने २८ चेंडूंत सात नाबाद ४९ धावा केल्या.

संक्षिप्त धावफलक भारत : २० षटकांत ३ बाद २३७ (सूर्यकुमार यादव ६१, केएल राहुल ५७, विराट कोहली नाबाद ४९; केशव महाराज २/२३) विजयी वि. दक्षिण आफ्रिका : २० षटकांत ३ बाद २२१ (डेव्हिड मिलर नाबाद १०६, क्विंटन डी कॉक नाबाद ६९; अर्शदीप सिंग २/६२)

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
आशिया चषक क्रिकेट स्पर्धा : शफालीच्या कामगिरीकडे लक्ष! ; आज भारतीय महिला संघाचा मलेशियाशी सामना

संबंधित बातम्या

शोएब मलिक आणि तू लग्न करणार आहात का? सानिया मिर्झाच्या संसारात वादळ उठवणारी अभिनेत्री म्हणाली, “तो त्याच्या पत्नीबरोबर…”
इंग्रजीमुळे नसीम शाहची उडाली तारांबळ; भर पत्रकार परिषदेत म्हणाला असं काही की व्हिडीओ होतोय व्हायरल
IND vs NZ: ऋषभ पंतने हर्षा भोगले यांना ऑनस्क्रीन सुनावलं, “माझा रेकॉर्ड खराब नाही, तुम्हाला तुलना करायची..”
IND vs NZ 3rd ODI: संजू सॅमसन खेळत नाही कारण BCCI त्याच्यावर.. पाकिस्तानी क्रिकेटपटूचा थेट हल्लाबोल
‘योग्य संधी मिळण्यासाठी संजू सॅमसनने धीर धरावा’, प्रशिक्षक म्हणाले, ” सूर्यकुमार यादवलाही….”

व्हिडिओ

ताज्या बातम्या
“मी घरोघरी जाऊन…” शाळेत नापास झाल्यावर मधुर भांडारकर यांनी केला ‘हा’ व्यवसाय; दिग्दर्शकाने सांगितली आठवण
गश्मीर महाजनी बॉलिवूडमध्ये पदार्पण करण्यासाठी सज्ज, ‘या’ सुप्रसिद्ध अभिनेत्रीबरोबर झळकणार प्रमुख भूमिकेत
विश्लेषण: फिफा वर्ल्ड कपमध्ये शेवटचे साखळी सामने एकाच वेळी का खेळवतात? काय होता १९८२मधील ‘लाजिरवाणा सामना’?
पसमांदा मुस्लिमांपर्यंत पोहोचण्याच्या मोदींच्या धोरणाला गती; दिल्ली महापालिका निवडणुकीत भाजपकडून चार उमेदवार रिंगणात
ज्येष्ठ साहित्यिक डॉ. नागनाथ कोतापल्लेंची प्रकृती चिंताजनक; पुण्यात उपचार सुरू