India Women vs Sri Lanka Women Final Live Score: टीम इंडिया अजिंक्य; श्री चरणीने पटकावल्या ४ विकेट्स

भारतीय संघाने दिलेल्या १८४ धावांच्या लक्ष्यासमोर खेळताना श्रीलंकेचा डाव १११ धावांत आटोपला आणि भारतीय संघाने आशिया चषक स्पर्धेच्या जेतेपदावर कब्जा केला.

दीप्ती शर्माने एका ओव्हरमध्ये २ विकेट्स पटकावत सामन्याचं पारडं भारताच्या बाजूने झुकवलं आहे.

कर्णधार हरमनप्रीत कौरबरोबर एकेरी धाव घेताना झालेल्या गोंधळात स्मृती मानधनाने आपली विकेट गमावली. हरमनप्रीतने चेंडू तटवून काढला आणि धावेसाठी विचारणा केली. दोघींनीही वेग पकडला नव्हता. अचूक थ्रोच्या बळावर स्मृती बाद झाली. तिने ३९ चेंडूत ५९ धावांची खेळी केली. या स्पर्धेत रनआऊट होण्याची तिची तिसरी वेळ आहे.

दिलहारीच्या बॉलिंगवर चौकार लगावत शफाली वर्माने २४ चेंडूत अर्धशतक पूर्ण केलं.

स्मृती मानधना आणि शफाली वर्मा यांनी पॉवरप्लेमध्ये आक्रमक सुरुवात केली आहे.

भारत- स्मृती मानधना, शफाली वर्मा, जी कमालिनी, हरमनप्रीत कौर (कर्णधार), ऋचा घोष (यष्टीरक्षक), भारती फुलमाळी, दीप्ती शर्मा, प्रेमा रावत, क्रांती गौड, श्री चरणी, नंदनी शर्मा

श्रीलंका- इमेशा दुलानी, चामरी अट्टापट्टू (कर्णधार), विश्मी गुणरत्ने, हसिनी परेरा, हर्षिता समराविक्रमा, कविशा दिलारी, निलाशिका सिल्व्हा, कौशिनी नुथयागंना (यष्टीरक्षक), सुगंदिका कुमारी, चामुदी प्रबोदा, मिथाली अयोध्या