Ind vs SL 5th T20I: ४ विजयांनंतर टीम इंडियाची नजर आता ‘क्लीन स्वीप’वर; अशी असेल प्लेईंग ११

गेल्या सामन्यात फलंदाजी करताना स्मृती मानधनाने दमदार अर्धशतकी खेळी केली होती. तर शफाली वर्माने गेल्या ३ सामन्यांमध्ये अर्धशतक झळकावलं आहे. या सामन्यातही दोघांकडून चांगल्या सुरुवातीची अपेक्षा असणार आहे. गेल्या सामन्यादरम्यान जेमिमा रॉड्रिग्ज आजारी होती. त्यामुळे ती खेळू शकली नव्हती. त्यामुळे या सामन्यातही तिच्या जागी हरलिन देओलला संधी दिली जाऊ शकते. भारताने सलग ४ सामने जिंकले आहेत. त्यामुळे खेळाडूंना संधी देण्याच्या दृष्टीने आणखी एक बदल पाहायला मिळू शकतो. जी कमलिनीला प्लेईंग ११ मध्ये संधी दिली जाऊ शकते.

खेळपट्टी कशी असेल?

गेल्या सामन्यात खेळपट्टी फलंदाजांसाठी फायदेशीर ठरली होती. या खेळपट्टीवर फलंदाजांना चांगलीच मदत मिळते. त्यामुळे या सामन्यातही धावांचा पाऊस पाहायला मिळू शकतो. यासह ही खेळपट्टी वेगवान गोलंदाजांसाठीही फायदेशीर ठरू शकते.

या सामन्यासाठी अशी असू शकते भारतीय संघाची प्लेईंग ११:

शफाली वर्मा, स्मृती मानधना, जेमिमा रॉड्रिग्स/हरलीन देओल, हरमनप्रीत कौर (कर्णधार), अमनजोत कौर, ऋचा घोष/जी कमालिनी (यष्टिरक्षक), दीप्ति शर्मा, वैष्णवी शर्मा, अरुंधति रेड्डी, रेणुका सिंग, एन श्री चरणी.

या सामन्यासाठी अशी असू शकते श्रीलंकेची प्लेईंग ११:

चमारी अटापट्टू (कर्णधार), हसिनी परेरा, हर्षिता समराविक्रमा, इमेशा दुलानी, निलाक्षी डिसिल्वा, कविशा दिलहारी, कौशिनी नुत्यांगना (यष्टिरक्षक), मल्शा शेहानी, इनोका रनावीरा/काव्या कविंदी, निमाशा मीपागे, रश्मिका सेवांडी.