scorecardresearch

Rishabh Pant Accident CCTV: ऋषभ पंतच्या अपघाताचं सीसीटीव्ही आलं समोर, पाहा व्हिडीओ

CCTV Footage of Rishabh Pant’s Car Accident: भारतीय क्रिकेटपटू ऋषभ पंतचा भीषण अपघात, रुग्णालयात दाखल

Rishabh Pant Accident CCTV: ऋषभ पंतच्या अपघाताचं सीसीटीव्ही आलं समोर, पाहा व्हिडीओ
ऋषभ पंतचा भीषण अपघात

Rishabh Pant Car Accident Video: भारतीय क्रिकेट संघाचा यष्टीरक्षक ऋषभ पंतचा भीषण अपघात झाला आहे. अपघातात पंत गंभीर जखमी झाला असून त्याच्यावर रुग्णालयात उपचार सुरु आहेत. अपघात इतका भीषण होता की, दुर्घटनेनंतर मर्सिडीज कारला आग लागली. दरम्यान पंतच्या अपघाताचं सीसीटीव्हीदेखील समोर आलं असून, यामध्ये या अपघाताची भीषणता जाणवत आहे.

सीसीटीव्हीमध्ये रस्ता पूर्ण मोकळा दिसत आहे. याचवेळी पंतची कार अत्यंत वेगाने येते आणि दुभाजक तोडून पलीकडे जात असल्याचं व्हिडीओत दिसत आहे. काही सेकंदांच्या या सीसीटीव्हीतून अपघात किती भीषण आहे याची कल्पना येते.

ऋषभ पंत दिल्लीहून रुरकीला जात होता. यावेळी पहाटे गुरुकुल नरसन परिसरात हा अपघात झाला. अपघातानंतर स्थानिक लोकांनी तात्काळ १०८ ला फोन करून पंतला रुग्णालयात दाखल केलं. पंतला गंभीर दुखापती झाल्या असून त्याच्यावर प्लास्टिक सर्जरी होण्याची शक्यता आहे.

Rishabh Pant Car Accident: “गरज पडल्यास त्याच्यासाठी…”; उत्तराखंडच्या CM चे निर्देश! जाणून या अपघातासंदर्भातील १० अपडेट्स

दरम्यान पंतना हा अपघात कसा झाला याबद्दल माहिती दिली आहे. अपघातानंतर कारला भीषण आग लागली होती. जर पंत वेळीच गाडीतून उतरू शकला नसता तर मोठी दुर्घटना घडू शकली असती.

Rishabh Pant Car Accident: अपघातानंतर अनेकवेळा पलटी झाली कार; पंतला मदत करण्याऐवजी तरुणांनी पैसे घेऊन काढला पळ

ऋषभ पंतने दिलेल्या माहितीनुसार तो स्वतः कार चालवत होता. “गाडी चालवताना झोप लागली आणि कार दुभाजकावर आदळून हा अपघात झाला. अपघातानंतर समोरची काच फोडून आपण बाहेर पडलो,” असं पंतने सांगितलं आहे. बीसीसीआयने पंतची प्रकृती सध्या स्थिर असल्याची माहिती दिली आहे.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 30-12-2022 at 11:55 IST

संबंधित बातम्या