VIDEO : आधी लगीन वर्ल्डकपचं, मग…! भारताच्या ‘लॉर्ड’नं केला साखरपुडा; मराठमोळी गर्लफ्रेंड बनली आयुष्याची जोडीदार!

शार्दुलच्या लग्नाबाबतही अपडेट समोर आलं आहे.

indian pacer shardul thakur gets engaged to mitalli parulkar
शार्दुल ठाकुरचा साखरपुडा

भारताचा वेगवान गोलंदाज आणि लॉर्ड नावाने प्रसिद्ध असलेल्या शार्दुल ठाकुरने गर्लफ्रेंड मिताली परुळकरसोबत मुंबईत साखरपुडा केला आहे. दोघांच्या साखरपुड्याचे फोटो आणि व्हिडिओ सोशल मीडियावर व्हायरल होत आहेत. वांद्रे-कुर्ला कॉम्प्लेक्समध्ये हा सोहळा पार पडला. या कार्यक्रमाला फक्त जवळचे कुटुंबीयच उपस्थित होते. पुढील वर्षी ऑस्ट्रेलियात होणाऱ्या टी-२० विश्वचषकानंतर हे दोघे लग्न करणार असल्याची माहिती समोर आली आहे.

सध्या वर्कलोड मॅनेजमेंटचा भाग म्हणून शार्दुलला बीसीसीआयने विश्रांती दिली आहे. शार्दुल टीम इंडियाकडून तिन्ही फॉरमॅटमध्ये खेळला आहे. त्याने भारतासाठी आतापर्यंत ४ कसोटी, १५ एकदिवसीय आणि २४ टी-२० सामने खेळले आहेत. शार्दुलने अलीकडच्या काळात आपल्या फलंदाजीनेही सर्वांना प्रभावित केले आहे.

हेही वाचा – IND vs NZ : कानपूरच्या मैदानावर शुबमन गिल बनला ‘सुपरमॅन’; सूर मारत घेतला अफलातून झेल; पाहा VIDEO

विशेषत: ऑस्ट्रेलिया आणि इंग्लंडविरुद्धच्या कसोटीत अर्धशतके झळकावून शार्दुलने फलंदाज म्हणूनही आपली ओळख मजबूत केली आहे. शार्दुलचा नुकत्याच पार पडलेल्या टी-२० वर्ल्डकपच्या भारतीय संघात समावेश करण्यात आला होता. मात्र, त्याला या स्पर्धेत केवळ दोन सामने खेळण्याची संधी मिळाली. यामध्ये त्याला एकही विकेट घेता आली नाही. चेन्नई सुपर किंग्जला आयपीएल २०२१चा चॅम्पियन बनवण्यात शार्दुलने महत्त्वाची भूमिका बजावली. त्याने या स्पर्धेत संघासाठी १६ सामन्यात २१ विकेट घेतल्या.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Indian pacer shardul thakur gets engaged to mitalli parulkar adn

Next Story
IND vs NZ : कानपूरच्या मैदानावर शुबमन गिल बनला ‘सुपरमॅन’; सूर मारत घेतला अफलातून झेल; पाहा VIDEO
ताज्या बातम्या
फोटो गॅलरी