सध्या भारत आणि ऑस्ट्रेलिया या महिला क्रिकेट संघात टी२० मालिका खेळवली जात आहे. या मालिकेत ५ टी२० सामने खेळवले जाणार आहेत. या मालिकेतील पहिला टी२० सामना ऑस्ट्रेलियाने जिंकला होता. या संघात दुसरा टी२० सामना रविवारी (दि. ११ डिसेंबर) खेळला गेला. या सामन्यात भारतीय महिला संघाने सुपर ओव्हरमध्ये ऑस्ट्रेलिया संघाचा ४ धावांनी पराभव केला. भारताच्या स्मृती मंधाना हीने भारताच्या महिला क्रिकेट इतिहासात आपले नाव कोरले आहे. टी२० सामन्यात धावसंख्येचा पाठलाग करताना सर्वाधिक धावसंख्या करणाऱ्या खेळाडूंच्या यादीत आपल्या नावाची नोंद केली. भारतीय महिला क्रिकेट संघाने ऑस्ट्रेलियन फलंदाजांची जुगलबंदी रोखून पाहुण्यांना २०२२ मधील पहिला पराभव पत्करण्यास भाग पाडले. स्मृती मंधाना आणि ऋचा घोष या रविवारी पार पडलेल्या सुपर-ओव्हर सामन्यातील रोमांचक विजयाच्या दोन प्रमुख शिल्पकारांपैकी एक होत्या, ज्यांनी सोशल मीडियावर एक मजेदार व्हिडिओ शेअर करत धमाल उडवून दिली. भारताच्या विजयानंतर, बीसीसीआय महिलांच्या ट्विटर हँडलने मंधाना आणि रिचा यांच्यातील स्पष्ट चॅटचा व्हिडिओ शेअर केला आहे कारण या जोडीने एलिसा हिली अँड कंपनीवर हरमनप्रीत कौरची महिला ब्रिगेडने कसा विजय मिळवला यावर चर्चा केली. मंधानाने घोषला नंतरच्या उत्तुंग षटकारांच्या मागील ‘गुपित’ बद्दल विचारले ज्यामुळे भारताने सुपर-ओव्हरमध्ये ऑस्ट्रेलियाला पाठलाग करण्यासाठी मोठे लक्ष्य दिले होते, यावर ऋचा घोषने “स्मृतीने तिला प्रेरणा दिल्याबद्दल” तिचे आणि देशबांधवांचे आभार मानले. पुढे बोलताना स्मृती म्हणाली की, "माझ्या मते शेवटच्या सामन्यात तुम्ही जवळपास ८० मीटरचा षटकार मारला होता, मला वाटत नाही की तुझ्यासाठी सीमारेषा फार महत्त्वाची आहे कारण तुझे सर्व षटकार हे स्टँडमध्ये जातात, तुझ्या या मोठमोठ्या षटकारांमागील नेमकं यामागचे रहस्य काय आहे," असा मंधानाने प्रश्न विचारला. https://twitter.com/BCCIWomen/status/1602153284881743872?s=20&t=x503vP1IzG0qEW6CtGI0RQ यावर ऋचा घोषने स्मृतीला उत्तर दिले. ती म्हणाली की, “यात काही रहस्य नाही, मी स्वत:वर विश्वास ठेवला आणि बॅक करत पूर्ण क्षमतेने मी फटके मारले. मी मैदानात उतरून शॉट्स खेळण्याचा प्रयत्न केला आणि स्वत:ला पाठिंबा दिला एवढंच!” भारतीय महिला संघाची उपकर्णधार मंधाना हिने पुढे सांगितले की, “मी ७९ धावा करून बाद झाल्यानंतर मला तिच्याकडून काहीतरी विशेष खेळी अपेक्षित होती. मी रिचाला सांगितले की आपल्याला हे टार्गेट पूर्ण करावे लागेल आणि मला वाटले की ती चांगली कामगिरी करेन. तो विश्वास तिने सार्थकी केला.” ऋचा घोषने मंधानाचे पुढे कौतुक केले आणि सांगितले की तिने तरुणांना प्रेरित केले ज्यानंतर सर्व महिला आणि पुरुष खेळाडू हे तिचे अनुकरण करत तिच्या पावलांवर पाऊल ठेवत भारतीय संघाची ही पताका पुढे नेण्याचा प्रयत्न करतील.” त्यानंतर दोघींच्या संभाषणात षटकारांवरून थोडी मजामस्ती झाली. 'मेरे से इंस्पायर होके इतने लंबे चक्के लग नही सक्ते रिचा," असे म्हणत मंधानाने तिची टांग खेचली आणि त्यानंतर एकच हशा पिकला. हेही वाचा: INDW vs AUSW: भारतीय महिला संघाने विक्रमी प्रेक्षकांसमोर केले ‘ते’ काम; जग पाहतच राहिले, बीसीसीआयने शेअर केला व्हिडिओ भारताने इतिहासातील पहिल्या सुपर ओव्हरमध्ये ऋचा आणि स्मृतीने सुरुवात केली. हेदर ग्रॅहमच्या पहिल्या चेंडूवर रिचाने षटकार ठोकला, पण पुढच्या चेंडूला हवेत उडवत तिचा झेल घेतला. स्मृती मंधानाने चौथ्या चेंडूवर चौकार आणि पुढच्या चेंडूवर षटकार ठोकला. शेवटच्या चेंडूवर तीन धावा घेत भारताने षटकात एकूण २० धावा केल्या.
