इंडियन प्रीमियर लीगचा (आयपीएल) १५वा हंगाम मार्चच्या शेवटच्या आठवड्यात सुरू होणार आहे. त्याआधी चार वेळा चॅम्पियन ठरलेल्या चेन्नई सुपर किंग्जसाठी वाईट बातमी आली आहे. स्टार वेगवान गोलंदाज दीपक चहरला स्पर्धेतून बाहेर होऊ शकतो. चहरला चेन्नईने लिलावात १४ कोटी रुपयांना विकत घेतले. तो संघाचा प्रमुख वेगवान गोलंदाज आहे. वेस्ट इंडीजविरुद्धच्या तिसऱ्या टी-२० सामन्यात चहरला हॅमस्ट्रिंगच्या समस्येमुळे संघातून वगळण्यात आले.
भारत आणि वेस्ट इंडीज यांच्यातील तीन टी-२० सामन्यांच्या मालिकेतील शेवटचा सामना रविवारी (२० फेब्रुवारी) खेळला गेला. त्याने १.५ षटकात १५ धावा देत दोन गडी बाद केले. दुसऱ्या षटकातील शेवटचा चेंडू त्याला टाकता आला नाही. हॅमस्ट्रिंगच्या ताणामुळे चहरही जमिनीवर कोसळला आणि नंतर फिजिओसोबत बाहेर पडला. यानंतर चहर मैदानात परतला नाही.
टाइम्स ऑफ इंडियानुसार, चहर आता श्रीलंकेविरुद्धच्या मालिकेनंतर आयपीएल २०२२ मधून बाहेर पडू शकतो. चहरची दुखापत गंभीर असून तो किमान दोन-तीन महिने बाहेर राहू शकतो. जर चहर स्पर्धेबाहेर झाला तर फ्रेंचायझी आणि त्याच्यासाठी हा मोठा धक्का असेल. लिलावात चार संघांनी त्याच्यासाठी बोली लावली होती. चेन्नई सुपर किंग्ज व्यतिरिक्त राजस्थान रॉयल्स, सनरायझर्स हैदराबाद आणि दिल्ली कॅपिटल्स चहरला विकत घेऊ इच्छित होते. शेवटी चेन्नईला यश मिळाले. राजस्थानने १३.७५ कोटी रुपयांची अंतिम बोली लावली होती.
हेही वाचा – India vs Sri Lanka: वेस्ट इंडीजनंतर आता श्रीलंका मोहीम..! जाणून घ्या पूर्ण वेळापत्रक
चहर वेळेत तंदुरुस्त होईल आणि स्पर्धेच्या संपूर्ण कालावधीसाठी उपलब्ध असेल अशी आशा चेन्नई संघ व्यवस्थापनाला आहे. चहरशिवाय सूर्यकुमार यादवलाही श्रीलंकेविरुद्धच्या मालिकेतून वगळण्यात आले. तो टीमसोबत लखनऊला गेला होता, पण तिथे पोहोचताच तो जखमी झाला. बीसीसीआयने दोन्ही खेळाडूंच्या बदली खेळाडूंची घोषणा केलेली नाही.
