MI vs RCB सामन्यात ड्रामा! टीम डेव्हिडने पंचांकडून जबरदस्ती घेतला चेंडू, पंचांनी खडसावल्यानंतर त्याने…; VIDEO व्हायरल

आरसीबी विरुद्ध मुंबई इंडियन्स सामन्यादरम्यान घडलेली ही घटना कॅमेऱ्यात कैद झाली होती, परंतु अद्याप कोणतीही कारवाई करण्यात आलेली नाही. हा संपूर्ण व्हिडिओ आता सोशल मीडियावर व्हायरल होत आहे. पंच थांबवत असतानाही टीम डेव्हिड चेंडू घेऊन खेळताना दिसला होता.

टीम डेव्हिडने पंचांकडून चेंडू का हिसकावला?

ही संपूर्ण घटना आरसीबीच्या डावातील १८ व्या षटकाच्या दुसऱ्या चेंडूनंतर घडली. टिम डेव्हिड चेंडूच्या आकाराबद्दल पंचांना प्रश्न विचारताना दिसला. पंचांच्या हातातून टीम डेव्हिड चेंडू घेऊन तपासताना दिसला. पंच त्याला वारंवार सांगत होते, चेंडू उडवू नकोस पण तो ऐकत नव्हता. जेव्हा पंच चेंडू मागत होते, तेव्हाही तो चेंडू देण्यास नकार देतो आणि जबरदस्तीने चेंडू उडवत तपासत राहतो. या कृत्याबद्दल पंच त्याला फटकारतात.

सामन्यादरम्यान, चेंडूची स्थिती तपासणं आणि त्यात काही समस्या असल्यास तो त्वरित बदलणं हे पंचांचे काम आहे, फलंदाजाचे नाही. क्रिकेटच्या नियमांनुसार, चेंडू बदलण्याचा निर्णय केवळ पंचच घेऊ शकतात. खेळाडूची भूमिका केवळ ही समस्या पंचांच्या निदर्शनास आणून देण्याची असते. पण तो पंचांच्या हातातून चेंडू घेऊन स्वतः तपासू शकत नाहीत किंवा पंचांवर दबाव आणू शकत नाहीत. पण टिम डेव्हिडने नेमके तेच केलं. जेव्हा पंच चेंडू तपासत होते, तेव्हा टिम डेव्हिड त्यांच्याजवळ पोहोचला आणि चेंडू त्यांच्या हातात घेऊन उडवू लागला. रोहित शर्मादेखील त्यादरम्यान टीम डेव्हिड बोलण्यासाठी पोहोचला होता.

सामन्यादरम्यान पंचांच्या कामात हस्तक्षेप करणारा कोणताही खेळाडू नियमांविरुद्ध मानला जातो. गोलंदाजी करणारा संघ पंचांकडे तक्रार करू शकतो आणि बदली चेंडूची विनंती करू शकतो, परंतु पंचांचा निर्णय अंतिम असतो. विशेष म्हणजे, पंचांनी टिम डेव्हिडला वारंवार ताकीद दिली की तो चेंडू हाताळू शकत नाही. पण टिम डेव्हिड आपल्या भूमिकेवरून अजिबात मागे हटायला तयार नव्हता. पंचांनी त्याला सक्त ताकिद दिली. मैदानावर काय चाललं आहे याचा आवाज ऐकू येत नसला तरी, पंच त्याला स्पष्टपणे खडसावत असल्याचं दिसलं, पण डेव्हिड मात्र आपल्या मनमानी वागण्यावर ठाम होता.