बंगळुरूमध्ये आयपीएल २०२२ मेगा ऑक्शन यशस्वीरित्या पार पडले. काल आणि आज झालेल्या या महालिलावात अनेक खेळाडूंचे नशीब उघडले, तर काहींना अजून या श्रीमंत क्रिकेट लीगमध्ये प्रवेश करण्यासाठी प्रतीक्षा करावी लागणार आहे. डावखुरा फलंदाज इशान किशन (१५.२५) या लीगचा सर्वात महागडा खेळाडू ठरला. तर लिलावाच्या दुसऱ्या दिवशी इंग्लंडच्या लियाम लिव्हिंगस्टोनने ११.५० कोटींची कमाई केली. विशेष म्हणजे मिस्टर आयपीएल अशी ओळख असलेल्या सुरेश रैनाला संघात घेण्यात चेन्नईने रस दाखवला नाही. आता अहमदाबाद आणि लखनऊ या दोन नवीन सघांची एन्ट्री झाल्यामुळे चाहत्यांना लीगच्या प्रारंभाची उत्सुकता लागली आहे.
लखनऊने मनदीपसाठी पहिली बोली लावली. त्याला १.१० कोटीमध्ये दिल्लीने संघात दाखल केले.
इंग्लंडचा फलंदाज डेव्हिड मलानसाठी कोणीही बोली लावली नाही.
मुंबईकर फलंदाज अजिंक्य रहाणेसाठी केकेआरने पहिली बोली लावली. केकेआरने त्याच्यासाठी १ कोटी मोजत संघात घेतले.
दक्षिण आफ्रिकेचा फलंदाज एडन मार्करामसाठी बोली लावण्यात आली. हैदराबादने त्याला २.६० कोटीला संघात घेतले.
चारु शर्मा आजही ऑक्शनरची भूमिका बजावत आहेत.
इंडियन प्रीमियर लीगच्या (आयपीएल) महालिलावात शनिवारी २० कोटी रुपयांच्या महाबोलीची अपेक्षा फोल ठरली. परंतु झारखंडचा यष्टीरक्षक-फलंदाज इशान किशन हा लिलावातील सर्वाधिक महागडा क्रिकेटपटू ठरला. १५ कोटी, २५ लाख रुपये रकमेला मुंबई इंडियन्स संघात त्याला स्थान दिले.
अजिंक्य रहाणे, चेतेश्वर पुजारा, वृद्धिमान साहा, उमेश यादव आणि इशांत शर्मा या अनुभवी कसोटी क्रिकेटपटूंना पहिल्या दिवशी लिलावात स्थान मिळाले नाही. परंतु रविवारी संघांनी उत्सुकता दर्शवली तरच या खेळाडूंचे भवितव्य ठरू शकेल. याशिवाय सुरेश रैना, डेव्हिड मिलर, स्टीव्ह स्मिथ, शाकिब अल हसन, मॅथ्यू वेड, सॅम बिलिंग्स यांच्यावरही शनिवारी बोली लागली नाही.
Hello Teams – Time to put your thinking caps on for Day 2⃣
— IndianPremierLeague (@IPL) February 13, 2022
What do you have in store for us today? ??#TATAIPLAuction @TataCompanies pic.twitter.com/WeiCrvzYr0