भारताचा माजी कर्णधार विराट कोहलीच्या नेतृत्वाखालील रॉयल चॅलेंजर्स बंगळुरु संघातून खेळलेल्या भारतीय खेळाडूला दिल्ली पोलिसांनी मारहाण केल्याचा प्रकार समोर आलाय. एएनआयने दिलेल्या वृत्तानुसार आयपीएलमध्ये आरसीबीकडून खेळलेल्या विकास टोकसला दिल्ली पोलिसांनी २६ जानेवारी रोजी बेदम मारहाण केली. या मारहाणीदरम्यान विकासच्या डोळ्याखाली गालावर बुक्का मारण्यात आल्याचा आरोप केला आहे. २०१६ मध्ये आरसीबीकडून खेळलेल्या विकासने यासंदर्भात दिल्ली पोलीस मुख्यालयामध्ये तक्रार दाखल केलीय.

या बातमीसह सर्व प्रीमियम कंटेंट वाचण्यासाठी साइन-इन करा

विकासने केलेल्या दाव्यानुसार प्रजासत्ताक दिनी म्हणजेच २६ जानेवारी रोजी त्याच्या गावाजवळ काही पोलिसांनी त्याची गाडी थांबवली आणि दोन हजार रुपयांची मागणी केली. मास्क घातलं नाही म्हणून हा दंड द्यावा लागेल असं पोलिसांकडून सांगण्यात आलं. याला विकासने विरोध केला असता ते पोलीस कर्मचारी जबरदस्तीने त्याच्या कारमध्ये बसले आणि त्याला शिवीगाळ करु लागले. याचदरम्यान एका पोलीस कर्मचाऱ्याने विकासच्या चेहऱ्यावर बुक्का मारल्याचा आरोप त्याने केलाय. हा सर्व प्रकार भीकाजी कामा पोलीस स्थानकाच्या हद्दीत घडलाय.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Ipl player vikas tokas accuses delhi police of assaulting him for not wearing mask police term allegations baseless scsg
First published on: 29-01-2022 at 08:15 IST