scorecardresearch

IPL 2022: कृणालने हार्दिकची विकेट घेताच सोशल मीडियावर आला मीम्सचा पूर!

कृणालने हार्दिक पांड्याची विकेट घेताच सोशल मीडियावर मीम्सचा महापूर आला.

Hardik vs Krunal
मजेशीर व्हायरल मिम्स (फोटो: सोशल मीडिया)

बडोद्याच्या गल्लीमधून बाहेर पडलेल्या भावांची आणखी एक जोडी मैदानावर एकमेकांशी भिडली. इंडियन प्रीमियर लीगच्या (IPL2022) चौथ्या सामन्यात गुजरात टायटन्स आणि लखनऊ सुपर जायंट्स आमनेसामने होते. याशिवाय पांड्या ब्रदर्सही या सामन्यात एकमेकांशी भिडले. या सामन्यात गुजरात टायटन्सने बाजी मारली. गुजरातने लखनऊचा पाच विकेट्सने पराभव केला, पण पंड्या ब्रदर्सच्या सामन्यात कृणाल पंड्या पुढे दिसला.

क्रुणालने हार्दिकला केले बाद

धाकटा भाऊ आणि गुजरातचा कर्णधार हार्दिक पंड्याची विकेट मोठा भाऊ कृणाल पंड्याच्या नावावर झाली. हार्दिकने या सामन्यात २८ चेंडूत ३३ धावा केल्या, त्याच्या खेळीदरम्यान तो पूर्ण जबाबदारीने फलंदाजी करताना दिसला आणि त्याने ५ चौकार आणि १ षटकार लगावला. हार्दिक पांड्याची विकेट घेताच सोशल मीडियावर मीम्सचा महापूर आला.

या मजेदार मीम्समध्ये, हार्दिक पांड्याने सामन्यानंतर असेही सांगितले की जर तो हा सामना हरला असता तर त्याला अधिक त्रास झाला असता कारण तो क्रुणालकडून हरला.

अष्टपैलू हार्दिक पंड्या टी-२० विश्वचषकानंतर सामन्यासाठी मैदानात उतरला. त्याने गुजरातसाठी पूर्ण ४ ओवर गेंदबाजी केली. त्याने निर्धारित ४ षटकांत ३७ धावा दिल्या.

त्याचवेळी लखनऊकडून खेळताना क्रुणालने १३ चेंडूत ३ चौकारांच्या मदतीने २१ धावा केल्या. गोलंदाजीत क्रुणालने सामन्यात हार्दिक पांड्याची विकेट घेत लखनऊच पुनरागमन केले, पण अखेरच्या षटकात गुजरातच्या धावा रोखण्यात संघाला अपयश आले. कृणालने ४ षटकात १७ धावा देत १ बळी घेतला. लखनऊ ३१ मार्च रोजी चेन्नई विरुद्ध पुढील सामना खेळेल आणि गुजरात २ एप्रिल रोजी दिल्ली विरुद्ध पुढील सामना खेळेल.

मराठीतील सर्व आयपीएल २०२२ ( Ipl ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Web Title: Ipl 2022 as soon as hardik took krunal wicket a flood of memes came on social media ttg

ताज्या बातम्या