IPL 2022, RCB vs MI Highlights: आयपीएलच्या पंधराव्या हंगामातील १८ वा सामना पाच वेळा जेतेपद पटकावलेल्या मुंबई इंडियन्स आणि रॉयल चॅलेंजर्स बंगळुरु यांच्यात होत आहे. हा सामना पुण्यातील महाराष्ट्र क्रिकेट असोसिएशन स्टेडियमवर होत असून दोन्ही संघ विजयासाठी प्रयत्न करत आहेत. मुंबईला या हंगामात आतापर्यंत एकही विजय मिळालेला नसल्यामुळे हा संघ पूर्ण तयारीनिशी मैदानात उतरलेला आहे. तर रॉयल चॅलेंजर्स बंगळुरुने तीनपैकी दोन सामन्यांत विजय नोंदवलेला आहे.