स्टार विदेशी अष्टपैलू बेन स्टोक्स आणि मोईन अली चेन्नईत आल्याने आनंदी झालेल्या CSK चाहत्यांना मोठा धक्का बसणार आहे. चेन्नई सुपर किंग्जचा युवा वेगवान गोलंदाज मुकेश चौधरी आगामी इंडियन प्रीमियर लीगमधून बाहेर पडू शकतो. वृत्तानुसार, चौधरीसोबत लखनऊ सुपर जायंट्स (एलएसजी)चा मोहसीन खान देखील आयपीएल २०२३ मधून बाहेर जाऊ शकतो. गेल्या वर्षीच्या लिलावापूर्वी, CSK ने मुकेश आणि मोहसिन यांना चेन्नई सुपर किंग्ज आणि लखनऊ सुपर जायंट्सने अनुक्रमे २०-२० लाख रुपयांना विकत घेतले. त्याने आपल्या कामगिरीने समीक्षक आणि चाहत्यांची मने जिंकली.
हे युवा खेळाडू आयपीएलच्या पुढील हंगामापूर्वी दुखापतींशी झुंज देत असले तरीही ते आपापल्या फ्रँचायझींच्या सतत संपर्कात आहेत आणि संघासोबत सरावही करत आहेत. दोघांना तंदुरुस्त होण्यासाठी वेळ लागेल, अशा स्थितीत ३१ मार्चपासून सुरू होणाऱ्या स्पर्धेत त्यांच्या खेळण्याबाबत साशंकता आहे. मुकेश पाठीच्या दुखापतीने त्रस्त असून सध्या राष्ट्रीय क्रिकेट अकादमीमध्ये त्याचे पुनर्वसन सुरू आहे. दुसरीकडे मोहसीन लखनऊ संघासोबत सराव करत आहे पण संपूर्ण हंगामात तो प्लेइंग इलेव्हनच्या बाहेर वेळ घालवेल अशी शक्यता आहे.
चेन्नई सुपर किंग्जचे सीईओ कासी विश्वनाथन यांनी क्रिकबझशी केलेल्या संभाषणात सांगितले की, “ते मुकेश पूर्णपणे तंदुरुस्त होण्याची वाट पाहत आहेत, परंतु त्यांचा त्याच्यावर फारसा विश्वास नाही.” सीएसकेचे सीईओ काशी विश्वनाथन म्हणाले, “आम्ही मुकेशची वाट पाहत आहोत, पण आम्हाला फारशी अपेक्षा नाही. गेल्या वर्षी तो आमच्या गोलंदाजीचा मुख्य आधार होता. जर तो खेळू शकला नाही तर ते खूप दुर्दैवी असेल.”
२६ वर्षीय मुकेशने गेल्या मोसमात चेन्नईकडून १३ सामन्यात १६ विकेट्स घेतल्या होत्या. नवीन चेंडूने तो हुशार असला तरी काही चांगले वाइड यॉर्कर टाकून जुन्या चेंडूवर तो काय करू शकतो याची झलकही त्याने दाखवली. तर दुसरीकडे मोहसीनने लखनऊसाठी ९ सामन्यांत १४ विकेट्स काढल्या असून गोलंदाजीची सरासरी ही ५.९७ इतकी होती. या युवा खेळाडूने मागील वर्षी प्ले ऑफच्या सामन्यात जागा मिळवत शानदार प्रदर्शन केले होते.
आयपीएलच्या वेळापत्रकानुसार IPL २०२३ ची सुरुवात ३१ मार्च रोजी चेन्नई सुपर किंग्स आणि गुजरात टायटन्स यांच्यातील सामन्याने होईल, जो नरेंद्र मोदी स्टेडियमवर खेळला जाईल. दुसरीकडे, केएल राहुलच्या नेतृत्वाखालील संघ लखनऊ लखनऊ सुपर जायंट्स त्यांचा पहिला सामना १ एप्रिल रोजी दिल्ली कॅपिटल्सशी खेळेल.
