चेन्नई सुपर किंग्स संघाने हैदराबादवर ७८ धावांनी मोठा विजय मिळवत प्लेऑफच्या शर्यतीत मुसंडी मारली आहे. चेन्नईने या मोठ्या विजयासह गुणतालिकेत तिसरे स्थान गाठले आहे. चेन्नईने ९ पैकी ५ सामने जिंकले असून ४ सामने गमावले आहेत. त्यामुळे संघाचे सध्या १० गुण आहेत. प्लेऑफमध्ये पोहोचण्यासाठी चेन्नईला १६ गुणांची आवश्यकता आहे, त्यामुळे संघासाठी पुढील सर्व सामने महत्त्वाचे असणार आहेत. पण यादरम्यानच चेन्नईला एक मोठा धक्का बसला आहे, त्यांचा महत्त्वाचा गोलंदाज पुढील मुख्य सामन्यांना मुकणार आहे.

आयपीएल २०२४ मध्ये बांगलादेशचा गोलंदाज मुस्तफिजूर रहमान हा चेन्नईसाठी महत्त्वाची भूमिका बजावणारा गोलंदाज ठरला आहे. पण मुस्तफिजूर संघाच्या पुढील सामन्यांना मुकणार आहे. याचे कारण म्हणजे बांगलादेश विरूद्ध झिम्बाब्वे टी-२० मालिका. बांगलादेशचा संघ ३ मेपासून घरच्या मैदानावर झिम्बाब्वेविरुद्ध ५ सामन्यांची टी-२० मालिका खेळणार आहे. १ जूनपासून वेस्ट इंडिज आणि अमेरिकामध्ये खेळल्या जाणाऱ्या टी-२० विश्वचषकापूर्वी बांगलादेश आपली तयारी अधिक बळकट करण्याच्या उद्देशाने या मालिकेत खेळणार आहे.

IND vs PAK: Wasim Akram Tells Reason of Pakistan Defeat
“बाबर, आफ्रिदी एकमेकांशी बोलत नाहीत, रिझवानला तर..”, वासिम अक्रमनं सांगितली पाकिस्तान हरण्याची ३ नेमकी कारणं
Disappointment of Pakistani fan who sold tractor video viral
IND vs PAK सामना पाहण्यासाठी पाकिस्तानच्या चाहत्याने विकला ट्रॅक्टर, भावुक होत सांगितली व्यथा, VIDEO व्हायरल
all eyes on the performance of the indian team in icc t20 world cup
विश्वचषकात अमेरिकेच्या पदार्पणाची उत्सुकता; ‘आयसीसी’ जेतेपदाचा दुष्काळ संपवण्याचे भारताचे ध्येय
bring rohit sharma hardik pandya together
रोहित – हार्दिकला एकत्र आणणे महत्त्वाचे ; ट्वेन्टी२० विश्वचषक स्पर्धेच्या पार्श्वभूमीवर हरभजन सिंगचे मत
Gautam Gambhir reaction to KKR title
“…उसका रथ आज भी श्रीकृष्ण ही चलाते हैं”, KKRला चॅम्पियन बनवल्यानंतर गौतम गंभीरची प्रतिक्रिया व्हायरल
Virat Needs 29 runs to reach 8000 runs complete in IPL history
RR vs RCB : एलिमिनेटर सामन्यात विराट इतिहास रचण्यासाठी सज्ज! IPL मध्ये ‘हा’ पराक्रम करणारा ठरणार पहिलाच खेळाडू
MS Dhoni avoided shaking hands with RCB players after defeat
IPL 2024 : आरसीबीच्या खेळाडूंशी हस्तांदोलन टाळल्यानंतर धोनीचा शोध घेतानाचा विराट कोहलीचा VIDEO व्हायरल
Yash Dayal's video call to his mother after the win
IPL 2024 : ‘आता तुला कसं वाटतयं आई?’, आरसीबीला विजय मिळवून दिल्यानंतर यश दयाल व्हिडीओ कॉलवर भावूक

हेही वाचा-IPL 2024: एम एस धोनीच्या नावे मोठा विक्रम, आयपीएलच्या इतिहासात ‘ही’ कामगिरी करणारा ठरला पहिला खेळाडू

मुस्तफिझूर रहमान चेन्नईच्या पुढील सामन्यांमधून होणार बाहेर

बांगलादेश क्रिकेटने या मालिकेतील पहिल्या तीन सामन्यांसाठी २९ एप्रिल रोजी १५ सदस्यीय संघाची घोषणा केली आहे, ज्यामध्ये शाकिब अल हसन आणि मुस्तफिझूर रहमान हे दोन अनुभवी खेळाडू पहिल्या तीन सामन्यांसाठी घोषित केलेल्या संघाचा भाग नाहीत. जर मुस्तफिझूर संघाचा भाग नसला तरी या मालिकेसाठी तो बांगलादेशला जाणार आहे.

आयपीएलच्या १७व्या मोसमात चेन्नई सुपर किंग्ज संघाकडून खेळणारा वेगवान गोलंदाज मुस्तफिझूर रहमान २ मे रोजी बांगलादेशला परतणार आहे. त्यानंतर फिटनेस चाचणीचा आधारे मालिकेतील शेवटच्या २ सामन्यांसाठी त्याच्या संघातील समावेशाबाबत निर्णय घेतला जाईल.

हेही वाचा- T20 World Cup साठी न्यूझीलंडकडून अनोख्या पद्धतीने संघाची घोषणा, IPL मधील ‘या’ खेळाडूंना मिळाली संधी

३ ते १२ मे दरम्यान ही टी-२० मालिका खेळवली जाणार आहे. या दरम्यान चेन्नईचे महत्त्वाचे ३ सामने खेळवले जाणार आहेत. ५ मे रोजी पंजाब किंग्सविरूद्ध, १० मे रोजी गुजरातविरूद्ध, १२ मे रोजी राजस्थानविरूद्ध, खेळवले जाणार आहेत. चेन्नईसाठी प्लेऑफच्या दृष्टीने हे महत्त्वाचे सामने असणार आहेत. त्यामुळे मुस्तफिझूरची अनुपस्थिती संघासाठी मोठा धक्का असणार आहे. मुस्तफिझूर संघात नसेल तर त्याच्या जागी महिश तीक्ष्णाला खेळवले जाते. संघातील ताळमेळही त्याच्यामुळे बिघडला जातो. विश्वचषकासाठी पासपोर्टच्या कामाकरता मुस्तफिझूर संघाबाहेर होता, तेव्हाही संघ संयोजनामध्ये चेन्नईला फटका बसला होता. मुस्तफिझूरच्या अनुपस्थितीत चेन्नई कसा मार्ग काढणार,याकडे सर्वांच्या नजरा असतील.