MI vs GT Highlights: अखेरच्या चेंडूवर मुंबई इंडियन्सने गमावला सामना, गुजरात ठरली टेबल टॉपर

मुंबई वि. गुजरात सामन्याला पावसानंतर पुन्हा सुरूवात झाली आहे. ६ चेंडूत १५ धावांची गरज होती. दीपक चहर गोलंदाज आहे तर राहुल तेवतिया आणि गेराल्ड कुत्सिया फलंदाजी करत आहेत. चहरच्या पहिल्या चेंडूवर तेवतियाने चौकार लगावला आणि मुंबईला स्लो ओव्हर रेटचा फटका बसल्याने ५ फिल्डर आत असणार आहेत. तिसऱ्या चेंडूवर कुत्सियाने षटकार लगावला आहे. चौथ्या चेंडू नो बॉल टाकल्याने फ्री हिट होती. चौथ्या चेंडूवर तेवतियाने १ धाव घेतली. पाचव्या चेंडूवर कुत्सिया झेलबाद झाला. सहाव्या चेंडूवर १ धावेची गरज आहे. अरशदने चेंडू मारला खरा पण हार्दिकचा डायरेक्ट हिट चुकला आणि गुजरातचा संघ सामना ३ विकेट्सने जिंकला.

पाऊस अजूनही सुरू असून सामन्यातील एक षटक कमी होण्याची शक्यता आहे. म्हणजेच जर १९ षटकांचा सामना खेळवला गेला, तर गुजरातला १४७ धावांचे आव्हान मिळेल आणि १९ षटकांचा सामना होण्यासाठी कट ऑफ टाईम १२.३० आहे. १९ षटकांचा सामना झाला तर गुजरातला ६ चेंडूत १५ धावांचे आव्हान मिळेल.

सामन्यातील १८वे षटक टाकण्याची जबाबदारी युवा गोलंदाज अश्वनी कुमारच्या खांद्यावर देण्यात आली. त्याने पहिला चेंडू टाकला आणि दुसऱ्या चेंडूवर त्याने राशिद खानला चकित करत एलबीडब्ल्यू बाद केलं. रिव्ह्यू घेतल्यानंतर चेंडू स्टम्प्सवर जाऊन आदळल्याचे दिसले. यासह मुंबईला सहावी विकेट मिळाली.

जसप्रीत बुमराहने गिलला बाद केल्यानंतर १६व्या षटकात बोल्टने रूदरफोर्डला बाद करत माघारी धाडलं. तिसऱ्या चेंडूवर LBW बाद करत संघाला मोठी विकेट मिळवून दिली. गुजरातचे दोन्ही सेट फलंदाज माघारी परतले आहेत. यासह आता गुजरातला विजयासाठी २४ चेंडूत ३८ धावांची गरज आहे.

मुंबई इंडियन्स वि. गुजरात टायटन्सचा सामना पावसामुळे थांबवण्यात आला होता. पण आता पाऊस थांबला असून ११.२० ला सामना परत सुरू होणार आहे. यासह आता गुजरातला विजयासाठी ३६ चेंडूत ४९ धावांची गरज आहे.

१२व्या षटकात अश्वनी कुमारच्या दुसऱ्या चेंडूवर गिलने मोठा फटका खेळला पण चेंडू हवेत उंच गेला, झेलबाद होणारच होता, पण तिलककडून झेल सुटला. पण पुढच्याच चेंडूवर अश्वनी कुमारने बटलरला विकेटच्या मागे झेलबाद केलं. यासह आता ५१ चेंडूत गुजरातला ७८ धावांची गरज आहे.

रायन रिकल्टनला अखेरच्या षटकात हेल्मेटवर चेंडू लागल्याने तो सामन्याबाहेर झाला आहे. त्यामुळे कनक्शन सबस्टीट्यूट म्हणून अश्वनी कुमार लाईक अलाईक सबस्टीट्यूट म्हणून मैदानावर आला आहे.

गुजरात टायटन्सने पॉवरप्लेमध्ये १ बाद २९ धावा केल्या आहेत. बोल्ट आणि बुमराहने भेदक गोलंदाजी करत गुजरातच्या धावांवर ब्रेक लावला आहे.

मुंबईला आज यलो अलर्ट दिल्याने वादळी वारा आणि पावसाचं चिन्ह आहे. मैदानावर पावसाचं चिन्ह आहे. जर पावसाला सुरूवात झाली आणि सामना थांबवला, तर तोपर्यंत ५ षटकांचा सामना झाला असेल तर गुजरातला ५ षटकांत सामना जिंकण्यासाठी ३४ धावा करण्याची गरज आहे.

मुंबई इंडियन्सने मधल्या षटकात धावांसाठी झगडतानाही कार्बिन बॉश आणि चहरच्या काही फटक्यांच्या जोरावर मुंबईने १५० धावांचा टप्पा पार केला आणि ८ विकेट्स गमावत १५५ धावा केल्या आहेत. कार्बिन बॉशने अखेरच्या षटकात पहिल्या २ चेंडूवर २ षटकार लगावले तर दीपक चहरने अखेरच्या चेंडूवर एक चौकार लगावला. यासह मुंबईने अखेरच्या षटकात १८ धावा कुटल्या आणि गुजरातला विजयासाठी १५६ धावांचे योगदान दिले.

संघाला धावांची गरज असताना नमन धीरने पूल मारत थेट फिल्डरच्या हातात झेल दिला आणि आपली विकेट सहज गमावली. १७व्या षटकातील दुसऱ्या चेंडूवर प्रसिद्ध कृष्णाने त्याला झेलबाद केलं. यासह मुंबईने १८ षटकांत ७ बाद १२९ धावा केल्या आहेत.

साई किशोरने १३व्या षटकात हार्दिक पंड्याला १ धावा करत झेलबाद करत माघारी धाडलं आहे. यासह मुंबईने ३ षटकांत ३ मोठ्या विकेट गमावल्या आहेत.

विल जॅक्सच्या अर्धशतकानंतर पुढच्याच चेंडूवर साई किशोरने ११व्या षटकात सूर्यकुमार यादवला झेलबाद केलं. सूर्यकुमार यादव मोठा फटका खेळण्याच्या प्रयत्नात झेलबाद झाला. सूर्या बाद होण्यापूर्वी महत्त्वपूर्ण २४ चेंडूत ५ चौकारांसह ३५ धावा केल्या आहेत. मुंबईने ११ षटकांत ३ बाद ९९ धावा केल्या आहेत.

१०व्या षटकात रशीद खान गोलंदाजीला आला. त्याच्या षटकात आधी विल जॅक्ससाठी रिव्ह्यू घेण्यात आला पण तो अंपायर्स कॉल होता आणि बॉल आऊटसाईड पिच होता आणि विकेट्सला हिट करत नसल्याने विल जॅक्स वाचला. तर पुन्हा पाचव्या चेंडूवर सूर्यासाठी देखील एलबीडब्ल्यूकरता रिव्ह्यू घेण्यात आला. पण सूर्या नाबाद राहिला. यासह मुंबईने १० षटकांत २ बाद ८९ धावा केल्या आहेत.

मुंबई इंडियन्सने पॉवरप्लेमध्ये दोन्ही सलामीवीरांची विकेट गमावली. पण सूर्यकुमार यादव आणि विल जॅक्सने मुंबईचा डाव सावरला. यासह मुंबईने पॉवरप्लेमध्ये २ बाद ५६ धावा केल्या आहेत. गुजरात टायटन्सने पॉवरप्लेमध्ये तब्बल ३ झेल ड्रॉप केले आहेत. विल जॅक्सला दोन वेळा तर सूर्यकुमार यादवचा एक झेल ड्रॉप केला. यामुळे टाईमआऊटमध्ये संघाचे कोच आशिष नेहरा चांगलाच संतापला होता.