Najam Sethi On IPL and PSL's Digital Rating: पाकिस्तान सुपर लीगचा आठवा हंगाम शनिवारी संपला. लाहोर कलंदर्सने सलग दुसऱ्यांदा लीगचे विजेतेपद पटकावले. शाहीन आफ्रिदीच्या नेतृत्वाखाली लाहोरने मोहम्मद रिझवानच्या मुलतान सुलतान्सचा एका धावेने पराभव केला. प्रथम फलंदाजी करताना कलंदरने २० षटकांत ६ गडी गमावून २०० धावा केल्या. अब्दुल्ला शफीकने ४० चेंडूत ६५ धावांची खेळी केली. त्याचवेळी कर्णधार शाहीनने १५ चेंडूत नाबाद ४४ धावा केल्या. त्यानंतर लाहोरने मुलतानला १९९/८ च्या धावसंख्येवर रोखले. पाकिस्तान सुपर लीग संपल्यानंतर आता चाहते आयपीएलच्या १६व्या आवृत्तीची वाट पाहत आहेत. पाकिस्तान सुपर लीगचा संपन्न झाली असून स्पर्धेचा अंतिम सामना गेल्या शनिवारी म्हणजेच १८ मार्च रोजी झाला. दरम्यान, पाकिस्तान क्रिकेट बोर्डाचे प्रमुख नजम सेठी यांनी पीएसएलच्या मीडिया रेटिंगबद्दल बरेच काही सांगितले. ते म्हणाले की पीएसएलचे मीडिया रेटिंग आयपीएलपेक्षा जास्त आहे. ते म्हणाले की, “आयपीएलचे डिजिटल रेटिंग १३० दशलक्ष आहे आणि पीएसएलचे १५० दशलक्षांपेक्षा जास्त आहे. हेही वाचा: IPL 2023 Schedule: १० संघ, १८ डबल हेडर, २ ग्रुप, नवीन वेन्यू; इंडियन प्रीमियर लीग २०२३चे वेळापत्रक जाहीर, ३१ मार्चपासून वाजणार बिगुल आयपीएल ही जगातील सर्वात श्रीमंत आणि सर्वात प्रिय टी२० लीग मानली जाते कारण त्याच्या मोठ्या चाहत्यांचे फॉलोइंग आणि रोमांचक सामने हे आहेत. मात्र, पाकिस्तान क्रिकेट बोर्डाचे प्रमुख नजम सेठी यांनी आता दोन्ही लीगबाबत धक्कादायक मत व्यक्त केले असून डिजिटल रेटिंगच्या बाबतीत पीएसएल हे आयपीएलपेक्षा मोठे यश असल्याचे म्हटले आहे. पीएसएल फायनलपूर्वी नजन सेठी म्हणाले होते, “चला डिजिटलबद्दल बोलूया. पीएसएल सीझनच्या अर्ध्या टप्प्यावर असताना, मी आमच्या डिजिटल रेटिंगबद्दल विचारले. नजम सेठी शोला टीव्हीवर ०.५ रेटिंग असायची तर पीएसएलला ११ पेक्षा जास्त रेटिंग मिळत आहे. त्यामुळे, जेव्हा ते पूर्ण होईल, तेव्हा त्याचे रेटिंग १८ किंवा २० असेल.” पाकिस्तानी वृत्तपत्र डॉनने सेठीच्या हवाल्याने म्हटले आहे की, “आमच्याकडे अमेरिकेत काही लीग सामने आयोजित करण्याचा प्रस्ताव आहे आणि आम्हाला संधी मिळाल्यास आम्ही त्या पर्यायाचा शोध घेऊ. तसेच लोकांच्या सोयीसाठी स्टेडियमजवळ खेळाडूंसाठी पंचतारांकित हॉटेल्स बांधण्यासाठी लाहोर आणि कराची येथील संबंधित अधिकाऱ्यांशी चर्चा करत आहे.” हेही वाचा: IND vs AUS: “कोहली, रोहित आणि राहुल; हे सर्व…” स्टार्कच्या यशानंतर वसीम अक्रमने टीम इंडियाला मारला टोमणा पीएसएलने देशाची आर्थिक स्थिती सुधारण्यात कशी मदत केली हेही त्यांनी सांगितले. सरकारला भरलेल्या करांचा खुलासा करण्यापूर्वी सेठी म्हणाले, “पीएसएलने देशाच्या आर्थिक चाकाला गती देण्यास हातभार लावला आहे कारण त्यामुळे रोजगाराच्या संधी निर्माण झाल्या आहेत आणि पर्यटन, हॉटेल उद्योग, एअरलाइन्स आणि रोड ट्रॅव्हल व्यवसाय वाढण्यास मदत झाली आहे. आम्ही फेडरल सरकारला ७० कोटी रुपये कर, ५० कोटी रुपये विक्रीकर आणि ५० कोटी रुपये प्रांतीय कर भरले आहेत.” पीएसएलमध्ये तीन सट्टेबाजी कंपन्यांना संघ प्रायोजित केल्याच्या मुद्द्यावर सेठी यांनी स्पष्ट केले की पीसीबी प्रमुखपदी नियुक्त होण्यापूर्वी करारांचे पुनरावलोकन केले जाईल. ते म्हणाले, “पीसीबी देशाच्या धर्म, संस्कृती आणि परंपरेच्या विरोधात कोणतीही कृती करणार नाही.”
