KKR vs CSK Highlights: पराभवाचा सिलसिला संपवत चेन्नईने मिळवला विजय, केकेआरला महत्त्वाच्या सामन्यात दिला पराभवाचा धक्का

शिवम दुबे आणि धोनीने ४३ धावांची भागीदारी करत संघाला विजयाच्या जवळ नेले. पण शिवम दुबे षटकारानंतर १९व्या षटकात वैभव अरोराच्या गोलंदाजीवर झेलबाद झाला. यासह आता विकेटनंतर चेन्नईला विजयासाठी ८ चेंडूत १० धावांची गरज आहे. दुबेनंतर नूर अहमद २ धावा करत धावबाद झाले. आता चेन्नईला विजयासाठी ६ चेंडूत ८ धावांची गरज आहे.

चेन्नईने पॉवरप्लेमध्ये ५ विकेट्स गमावले आहेत. उर्विल पटेल ११ चेंडूत ३१ धावा करत तिसऱ्या षटकात हर्षित राणाच्या गोलंदाजीवर झेलबाद झाला. यानंतर अश्विनलाही हर्षित राणाने पाचव्या षटकात झेलबाद केलं. तर जडेजाला वरूणने क्लीन बोल्ड केलं.

केकेआरने दिलेल्या १८० धावांच्या लक्ष्याचा पाठलाग करताना चेन्नईची सुरूवात खराब झाली. दुसऱ्याच चेंडूवर वैभव अरोराने डकवर आयुष म्हात्रेला झेलबाद केलं.

रिंकू सिंग २ चौकार लगावल्यानंतर मोठा फटका खेळण्याच्या प्रयत्नात सीमारेषेवर झेलबाद झाला. आयुष म्हात्रेने सीमारेषेवर एक कमालीचा झेल टिपला. यासह १९ षटकांत केकेआरने ६ बाद १७३ धावा केल्यात.

अजिंक्य रहाणेने ३३ चेंडूत ४ चौकार आणि २ षटकारांसह ४८ धावांची खेळी केली. पण रवींद्र जडेजाच्या गोलंदाजीवर स्वीप शॉट मारण्याच्या प्रयत्नात तो झेलबाद झाला.

रहमानुल्लाह गुरबाज (विकेटकिपर), सुनील नरेन, अजिंक्य रहाणे (कर्णधार), अंगक्रिश रघुवंशी, मनीष पांडे, आंद्रे रसेल, रिंकू सिंग, मोईन अली, रमणदीप सिंग, वैभव अरोरा, वरुण चक्रवर्ती

कोलकाता नाईट रायडर्स वि. चेन्नई सुपर किंग्स सामन्याची नाणेफेक केकेआरने जिंकून प्रथम फलंदाजी करण्याचा निर्णय घेतला आहे. केकेआरच्या प्लेईंग इलेव्हनमध्ये एक बदल करण्यात आला आहे. वेंकटेश अय्यरच्या हाताला टाके असल्याने तो आज खेळणार नाही, त्याच्या जागी मनिष पांडे खेळणार आहे. शेख रशीद आणि सॅम करन संघाबाहेर झाले आहेत, त्यांच्या जागी डेव्हॉन कॉन्वे-उर्विल पटेल खेळताना दिसणार आहे.

एमएस धोनी (कर्णधार), रवींद्र जडेजा, शिवम दुबे, मथिशा पाथीराना, नूर अहमद, रविचंद्रन अश्विन, डेव्हॉन कॉनवे, सय्यद खलील अहमद, रचिन रवींद्र, अंशुल कंबोज, राहुल त्रिपाठी, सॅम करन, नॅथन एलिस, दीपक हुड्डा, जेमी ओव्हरटन, विजय शंकर, आंद्रे सिद्धार्थ, श्रेयस गोपाल, रामकृष्ण घोष, कमलेश नागरकोटी, मुकेश चौधरी, शेख रशीद, ऋतुराज गायकवाड, आयुष म्हात्रे, उर्विल पटेल, डेवाल्ड ब्रेविस