R Ashwin becoming 10th player to play 200 IPL matches : आयपीएल २०२४ चा १४ वा सामना वानखेडे स्टेडियमवर खेळला गेला. या सामन्यात मुंबई इंडियन्स आणि राजस्थान रॉयल्स आमनेसामने आले होते. ज्यामध्ये राजस्थान रॉयल्सने नाणेफेक जिंकून प्रथम गोलंदाजी करण्याचा निर्णय घेतला. या सामन्यात राजस्थान रॉयल्सचा अनुभवी फिरकीपटू आर अश्विनने मैदानात उतरताच एक मोठा पराक्रम आपल्या नावावर केला. त्याचबरोबर तो विराट-धोनीच्या खास क्लबमध्ये सामील झाला. अश्विनने झळकावलं अनोखं द्विशतक - आर अश्विन २००९ पासून आयपीएलमध्ये खेळत आहे. त्याने हा सामना खेळण्यापूर्वी १९९ सामने खेळले होते. मुंबई इंडियन्सविरुद्धच्या सामना हा त्याच्या आयपीएल कारकिर्दीतील २०० वा सामना आहे. यासह रविचंद्रन अश्विनचे नाव आयपीएलमध्ये २०० सामने खेळलेल्या खेळाडूंच्या एलिट यादीत नोंदवले गेले आहे. या यादीत एमएस धोनी, विराट कोहली आणि रोहित शर्मासारख्या दिग्गजांचा समावेश आहे. आयपीएलमध्ये सर्वाधिक सामने खेळलेले खेळाडू - २५३ सामने - एमएस धोनी२४६ सामने - रोहित शर्मा२४५ सामने - दिनेश कार्तिक२४० सामने - विराट कोहली२२९ सामने - रवींद्र जडेजा२२० सामने - शिखर धवन२०५ सामने - सुरेश रैना२०५ सामने - रॉबिन उथप्पा२०४ सामने - अंबाती रायुडू२००* सामने - आर अश्विन हेही वाचा - IPL 2024 : स्पर्धेदरम्यान बीसीसीआयने अचानक बोलावली संघ मालकांची बैठक, महत्त्वाचे निर्णय घेतले जाण्याची शक्यता अश्विन आयपीएलमध्ये या संघांसाठी खेळलाय - आर अश्विनने २००९ मध्ये चेन्नई सुपर किंग्जकडून आयपीएलमध्ये पदार्पण केले. यानंतर तो रायझिंग पुणे सुपरजायंट्स, किंग्ज इलेव्हन पंजाब (आता पंजाब किंग्ज) आणि दिल्ली कॅपिटल्सकडून खेळला. त्याच वेळी, तो आयपीएल २०२२ च्या मेगा लिलावात राजस्थान रॉयल्समध्ये सामील झाला. आर अश्विनने आतापर्यंत आयपीएलमधील १९९ सामन्यांत ७.०४ च्या इकॉनॉमीने १७२ विकेट घेतल्या आहेत. त्याचबरोबर त्याने फलंदाज म्हणून ७४३ धावा केल्या आहेत, ज्यामध्ये एका अर्धशतकाचाही समावेश आहे.
