रॉयल चॅलेंजर्स बंगळुरूचा माजी कर्णधार विराट कोहली आणि लखनऊ सुपर जायंट्सचा मार्गदर्शक गौतम गंभीर यांच्यातील मैदानावरील भांडणावरून वाद सुरूच आहे. यावर भारताचे माजी क्रिकेटपटू आपले मत मांडत आहेत. दरम्यान, टीम इंडियाचा माजी धाकड सलामीवीर वीरेंद्र सेहवागने या दोघांना खूप काही सुनावले. तो म्हणाला की, “माझ्या मुलांनाही बेन स्टोक्सचा अर्थ कळतो (येथे सेहवागला शिवी म्हणायचे आहे).” या संपूर्ण प्रकरणावर क्रिकबझवर बोलताना तो म्हणाला, “हे दोन्ही खेळाडू देशाचे आयकॉन आहेत. लाखो मुले विराट कोहली आणि गौतम गंभीरचे समर्थक आहेत. ते बघून शिकतात. अशा परिस्थितीत हे लोक सामन्यादरम्यान असे वागतील तर ते योग्य नाही. त्याने उघडपणे आयपीएल २०२३च्या सर्वात मोठ्या वादावर आपले मत व्यक्त केले आणि सांगितले की, “भारतीय क्रिकेट नियामक मंडळ कोणत्याही खेळाडूवर बंदी घालू शकते जेणेकरून अशी प्रकरणे पुढे होऊ नयेत. त्यांच्या अशा वागण्याने भारतीय क्रिकेटला खूप मोठा धक्का बसू शकतो.” हेही वाचा: IPL2023: कोहली, कोहलीच्या नाऱ्याने गौतम गंभीर संतापला; ड्रेसिंगरूममध्ये जात असताना चाहत्यांनी डिवचले, Video व्हायरल असे उघडपणे म्हणणारा सेहवाग हा पहिलाच माजी क्रिकेटपटू आहे असे नाही. त्यांच्या आधी महान सुनील गावसकर यांनी देखील उघडपणे टीका केली होती. त्यांनी सांगितले होते की, “कोहली-गंभीरला वादाची जी शिक्षा झाली आहे ती कमी आहे. यापुढे असे वाद टाळण्यासाठी बीसीसीआयने मोठी पावले उचलणे गरजेचे आहे. त्याला काही सामन्यांपासून दूर राहण्यास सांगू शकले असते. अशा प्रकारे त्यांनी बंदीकडे लक्ष वेधले. या दोघांवर थेट बंदी घालण्याबाबत तो बोलणे टाळताना दिसला, पण तो खूप संतापला असल्याचे त्याच्या हावभावावरून कळत होते. हेही वाचा: IPL2023: किंग कोहलीशी भिडणाऱ्या नवीन उल हकने घेतली धोनीची भेट, सोशल मीडियावर फोटो व्हायरल उल्लेखनीय आहे की, लखनऊमध्ये खेळल्या गेलेल्या आयपीएल २०२३च्या एका सामन्यात अफगाणिस्तानचा क्रिकेटर नवीन-उल-हक आणि विराट कोहली यांच्यात लखनऊच्या डावात वाद झाला होता. यादरम्यान अमित मिश्रा आणि अंपायर यांनी त्यांचा वाद कमी केला. वेगळे होताना दिसले. सामना संपल्यानंतर दोघांमध्ये पुन्हा वाद झाला. प्रकरण इथेच संपले नाही. काइल मेयर्स कोहलीशी बोलत होता आणि गौतम गंभीर आला आणि त्याला घेऊन गेला. या त्याच्या वागण्यानंतर दोन्ही खेळाडू आमनेसामने आले. यावरून दोघांमध्ये बराच वेळ वाद झाला. याआधीही आयपीएलदरम्यान त्यांच्यात भांडण झाले आहे.
