Irani Cup Cricket Tournament Sarfraz century dominates India ysh 95 | Loksatta

इराणी चषक क्रिकेट स्पर्धा : सर्फराजच्या झुंजार शतकामुळे शेष भारताचे वर्चस्व

वेगवान गोलंदाज मुकेश कुमारच्या भेदक माऱ्यानंतर मुंबईकर सर्फराज खानने (१२६ चेंडूंत नाबाद १२५ धावा) केलेल्या शतकी खेळीच्या बळावर शेष भारत संघाने इराणी चषकाच्या सामन्यात सौराष्ट्रविरुद्ध वर्चस्व राखले.

इराणी चषक क्रिकेट स्पर्धा : सर्फराजच्या झुंजार शतकामुळे शेष भारताचे वर्चस्व
सर्फराजच्या झुंजार शतकामुळे शेष भारताचे वर्चस्व

राजकोट : वेगवान गोलंदाज मुकेश कुमारच्या भेदक माऱ्यानंतर मुंबईकर सर्फराज खानने (१२६ चेंडूंत नाबाद १२५ धावा) केलेल्या शतकी खेळीच्या बळावर शेष भारत संघाने इराणी चषकाच्या सामन्यात सौराष्ट्रविरुद्ध वर्चस्व राखले. सौराष्ट्रचा पहिला डाव २४.५ षटकांत ९८ धावांतच आटोपला. त्यानंतर पहिल्या दिवसअखेरीस शेष भारत संघाची ३ बाद २०५ अशी धावसंख्या होती. त्यामुळे त्यांच्याकडे १०७ धावांची आघाडी होती. सर्फराज खान १२५, तर कर्णधार हनुमा विहारी ६२ धावांवर खेळत होते.

या सामन्यात सौराष्ट्रचा चेतेश्वर पुजारा आणि शेष भारताच्या सलामीच्या फलंदाजांकडे सर्वाच्या नजरा होत्या. पहिल्याच दिवशी या सर्वाना अपयश आले. मुकेश कुमार (४/२३), कुलदीप सेन (३/४१) व उमरान मलिक (३/२५) या वेगवान त्रिकुटाच्या भेदक माऱ्यापुढे यजमान सौराष्ट्राचा डाव २४.५ षटकांतच गडगडला. बंगालच्या मुकेशने दिवसाच्या सुरुवातीला स्विंगचा अप्रतिम वापर केला. पुजाराचा (१ धाव) बळी कुलदीप सेनने मिळविला.

शेष भारत संघाचीही सलामी अपयशी ठरली. त्यांचे पहिले तीन फलंदाज १८ धावांतच तंबूत परतले. त्यानंतर सर्फराजचा तडाखा व कर्णधार विहारीच्या संयमाने सौराष्ट्राच्या गोलंदाजांना निराश केले. दिवसअखेपर्यंत या जोडीने १८७ धावांची अभेद्य भागीदारी केली. सर्फराजने आपल्या शतकी खेळीत १९ चौकार व दोन षटकार लगावले.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
भारत-दक्षिण आफ्रिका ट्वेन्टी-२० मालिका : मालिका विजयाचा प्रयत्न!; आज भारताचा दक्षिण आफ्रिकेविरुद्ध दुसरा ट्वेन्टी—२० सामना

संबंधित बातम्या

विश्लेषण: फिफा विश्वचषकामध्ये फुटबॉलपटू ‘स्पोर्ट्स ब्रा’ का घालतात? काय आहे यामागील कारण जाणून घ्या
ठरलं! टीम इंडियाला मिळाला नवीन प्रशिक्षक; राहुल द्रविडच्या निकटवर्तीयाची BCCI कडून निवड
PAK vs ENG: उत्कंठावर्धक कसोटी क्रिकेट सामन्यातील इंग्लंडच्या खेळाडूंचा हा फोटो होतोय व्हायरल
Fifa World Cup 2022 : स्वयंसेवकांच्या फौजेत नवी मुंबईतील तरूण
विश्लेषण: गोलधडाका, विजयनृत्य आणि पेलेंना पाठिंबा… ब्राझीलने कशी जिंकली फुटबॉलरसिकांची मने?

व्हिडिओ

ताज्या बातम्या
Himachal Pradesh Election 2022 : अपक्ष उमदेवार ठरणार ‘किंगमेकर’?, भाजपा-काँग्रेसमध्ये सत्तेसाठी अटीतटीची लढाई!
सांगली : ‘त्या’ रानगव्याचा ह्दयविकाराच्या धक्क्याने मृत्यू; वाळवा तालुक्यात ऊसाच्या फडात आढळला होता जखमी अवस्थेत
तरुणींशी मैत्रीचे आमिष दाखवून ५३ वर्षीय व्यक्तीची फसवणूक; तरुणीसह तिघांना अटक
मुलगी अभिनेत्री अन् मुलगा बनणार लेखक; शाहरुख खानचा लेक आर्यन खान पदार्पणासाठी सज्ज
“त्यांची मुख्यमंत्रीपदाची हौस…”, महिला मुख्यमंत्रीबाबत उद्धव ठाकरेंच्या विधानावर चित्रा वाघ यांचा टोला