इशांत, चंडिमलवर एका सामन्याची बंदी

आंतरराष्ट्रीय क्रिकेट परिषदेच्या खेळाडूंसाठीच्या आचारसंहितेचा भंग केल्याप्रकरणी इशांत शर्मा आणि दिनेश चंडिमल यांच्यावर एका आंतरराष्ट्रीय सामन्याची बंदी घालण्यात आली आहे.

आंतरराष्ट्रीय क्रिकेट परिषदेच्या खेळाडूंसाठीच्या आचारसंहितेचा भंग केल्याप्रकरणी इशांत शर्मा आणि दिनेश चंडिमल यांच्यावर एका आंतरराष्ट्रीय सामन्याची बंदी घालण्यात आली आहे. धम्मिका प्रसाद आणि लहिरु थिरिमाने यांच्या मानधनातून ५० टक्के रक्कम कापून घेण्यात येणार आहे.
बंदीच्या शिक्षेमुळे दक्षिण आफ्रिकेविरुद्धच्या पहिल्या कसोटीला मुकणार आहे. दक्षिण आफ्रिकेविरुद्धची पहिली कसोटी २ नोव्हेंबरपासून मोहाली येथे होणार आहे. दुसरीकडे चंडिमल वेस्ट इंडिजविरुद्धच्या पहिल्या एकदिवसीय सामन्यात खेळू शकणार नाही.
चौथ्या दिवशी इशांत फलंदाजी करत असताना त्याचे आणि धम्मिका प्रसाद, दिनेश चंडिमल यांचे भांडण झाले होते. त्यांच्यातला वाद मिटवण्यासाठी पंचांना हस्तक्षेप करावा लागला होता. इशांत शर्माने या सामन्यात बळी मिळवत भारताच्या विजयात निर्णायक भूमिका बजावली होती. मात्र बेशिस्त वर्तनामुळे या कामगिरीला गालबोट लागले आहे. दक्षिण आफ्रिकेविरुद्धच्या महत्त्वपूर्ण सामन्यात इशांत खेळू शकणार नसल्याने भारताचे आक्रमण कमकुवत झाले आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Ishant sharma dinesh chandimal handed one match bans

Next Story
क्रीडा मंत्रालयाच्या प्राधान्य क्रीडा प्रकारात योगा खेळास स्थान
ताज्या बातम्या
फोटो गॅलरी