पीव्ही सिंधूचा दुसर्‍या फेरीत प्रवेश; जपान स्पर्धेतून सा्त्विवक-चिरागची माघार

सा्त्विवकसाईराज रंकीरेड्डीच्या खांद्याच्या दुखापतीमुळे त्याला व चिराग शेट्टीला जपान खुल्या बॅडमिंटन स्पर्धेतून (सुपर ७५० दर्जा) माघार घ्यावी लागली आहे.

Japan Open Badminton: PV Sindhu Wins, Satwik-Chirag Withdraw

जपान ओपन बॅडमिंटन: सिंधूचा विजय, सात्त्विक-चिरागची माघार (लोकसत्ता टिम)

वृत्तसंस्था, टोक्यो

सा्त्विवकसाईराज रंकीरेड्डीच्या खांद्याच्या दुखापतीमुळे त्याला व चिराग शेट्टीला जपान खुल्या बॅडमिंटन स्पर्धेतून (सुपर ७५० दर्जा) माघार घ्यावी लागली आहे. त्यांनी पहिल्या फेरीचा सामना मध्यातच सोडला. मंगळवारपासून सुरू झालेल्या या स्पर्धेत दोन ऑलिम्पिक पदकविजेत्या पीव्ही सिंधूने विजयी सलामी दिली.

सा्त्विवक व चिराग या जागतिक क्रमवारीत चौथ्या स्थानी असणार्‍या जोडीने सिंगापूर खुल्या स्पर्धेचे जेतेपद मिळवले होते. जपान खुल्या स्पर्धेत डेन्मार्कच्या डॅनियल लुंडगार्ड आणि मॅड्स वेस्टरगार्ड जोडीकडून पहिला गेम १९-२१ असा गमाविल्यानंतर भारतीय जोडीने माघार घेण्याचा निर्णय घेतला.

त्यापूर्वी, महिला एकेरीत जागतिक क्रमवारीत दहाव्या स्थानी असणार्‍या सिंधूने जागतिक क्रमवारीत ३७व्या स्थानावरील मलेशियाच्या वोंग लिंग चिंगला २१-१४, २१-११ असे सरळ गेममध्ये नमवले.

मिश्र दुहेरीत भारताच्या ध्रुव कपिला आणि तनिषा क्रॅस्टो जोडीने यशस्वी सुरुवात करताना स्कॉटलंडच्या ॲलेक्झांडर डन आणि जुली मॅकफर्सन जोडीला

२१-१६, २१-१४ असे नमवले. रोहन कपूर आणि रुत्विका शिवानी गड्डे यांना पहिल्याच फेरीत अग्रमानांकित चीनच्या फेंग यान झे आणि हुआंग डोंग पिंग जोडीकडून ११-२१, १०-२१ असा पराभव पत्करावा लागला.