विराट कोहलीच्या नेतृत्वाखाली भारतीय संघाने घरच्या मैदानावर बांगलादेशवर मात केली. टी-२० मालिकेत २-१ आणि कसोटी मालिकेत भारताने २-० ने विजय मिळवला. जसप्रीत बुमराह गेले काही दिवस आपल्या पाठीच्या दुखापतीमुळे भारतीय संघाबाहेर आहे. निवड समितीचे प्रमुथ एम.एस.के. प्रसाद यांनी बुमराहच्या भारतीय संघातील पुनरागमनाबद्दल महत्वाची माहिती दिली आहे.
अवश्य वाचा – धोनी आंतरराष्ट्रीय क्रिकेटमध्ये पुनरागमन करण्याच्या तयारीत
“जसप्रीत हळूहळू आपल्या जुन्या फॉर्मात परततो आहे. मात्र अद्यापही त्याच्या दुखापतीबद्दल अंतिम अहवाल आम्हाला मिळायचा आहे. पुढच्या महिन्यापर्यंत तरी तो भारतीय संघात परतत नाहीये हे नक्की, मात्र न्यूझीलंड दौऱ्यासाठी तो संघात परतू शकतो”, प्रसाद पत्रकारांशी बोलत होते.
दरम्यान, बांगलादेशविरुद्धचा कसोटी सामना हा २०१९ वर्षातला भारतीय संघाचा हा अखेरचा कसोटी सामना होता. यानंतर भारतीय संघ घरच्या मैदानावर वेस्ट इंडिजविरुद्ध मर्यादीत षटकांची मालिका खेळेल. यानंतर २०२० साली भारतीय संघ जानेवारी महिन्यात न्यूझीलंड दौऱ्यावर जाणार आहे.
अवश्य वाचा – ICC Test Ranking : आश्विनचं स्थान वधारलं, जसप्रीत बुमराहची घसरण
