Javelin thrower Shivpal Singh fails dope test, banned for 4 years avw 92 | Loksatta

भालाफेकपटू शिवपाल सिंग उत्तेजक द्रव्य सेवनप्रकरणी दोषी, ४ वर्षांची घातली बंदी

भारतातील अव्वल भालाफेकपटूंपैकी एक असलेल्या शिवपाल सिंगला गेल्या वर्षी उत्तेजक द्रव्य चाचणीत अपयशी ठरल्याबद्दल नाडाने डोपिंग विरोधी शिस्तपालन समितीने चार वर्षांसाठी खेळातून निलंबित केले आहे.

भालाफेकपटू शिवपाल सिंग उत्तेजक द्रव्य सेवनप्रकरणी दोषी, ४ वर्षांची घातली बंदी
संग्रहित छायाचित्र (इंडियन एक्सप्रेस)

भारतातील अव्वल भालाफेकपटूंपैकी एक असलेल्या शिवपाल सिंगला गेल्या वर्षी उत्तेजक द्रव्य चाचणीत अपयशी ठरल्याबद्दल नाडा (नॅशनल अँटी-डोपिंग एजन्सी) च्या डोपिंग विरोधी शिस्तपालन समितीने चार वर्षांसाठी खेळातून निलंबित केले आहे. ऑलिम्पिक सुवर्णपदक विजेता भालाफेकपटू नीरज चोप्रा याच्यानंतर भारताचा दुसरा सर्वात यशस्वी भालाफेकपटू असलेला शिवपाल सिंग याची कारकीर्द संकटात सापडली आहे.

टोकियो ऑलिम्पिकमध्ये भाग घेतलेल्या शिवपालला गेल्या वर्षी ऑक्टोबरमध्ये स्पर्धाबाह्य चाचणीत अपयश आल्यामुळे तात्पुरत्या निलंबनात ठेवण्यात आले होते. त्याच्या नमुन्यात बंदी घातलेल्या पदार्थाची पुष्टी ही मेथेंडिएनोन होती. स्टेरॉइड मेथेंडिएनोन चाचणीत तो पॉझिटिव्ह आढळला. टोकियो ऑलिम्पिकमधील पात्रता फेरीत शिवपाल २७ व्या स्थानावर राहिला. ऑक्टोबर २०२१ ते १० ऑक्टोबर २०२५ पर्यंत त्याचे निलंबन राहील.

टोकियो ऑलिम्पिकनंतर राष्ट्रीय शिबिर नसताना शिवपालची चाचणी घेण्यात आली. गेल्या वर्षी १५ ऑक्टोबर ते ३१ डिसेंबर या कालावधीत झालेल्या शिबिरासाठी भारतीय क्रीडा प्राधिकरणाने जाहीर केलेल्या खेळाडूंच्या यादीत त्याचे नाव होते. मात्र यंदा शिबिराची मुदत ३१ मार्चपर्यंत वाढवण्यात आल्याने त्यांचे नाव वगळण्यात आले. शिवपालने दोहा येथील २०१९ आशियाई चॅम्पियनशिपमध्ये ८६.२३ मीटर फेक करून रौप्य पदक जिंकले, जे त्याचा वैयक्तिक सर्वोत्तम प्रयत्न होता. त्याने टोकियो ऑलिम्पिकमधील दुसऱ्या पात्रता गटात ७६.४० मीटरच्या सर्वोत्तम थ्रोसह १२ वे आणि एकूण २७ वे स्थान पटकावले. ऑलिम्पिकनंतर त्याने कोणत्याही स्पर्धेत भाग घेतला नाही.

हेही वाचा : IND vs SA: सूर्याच्या वादळी खेळीने आणखी एक रचला इतिहास, ग्लेन मॅक्सवेलचा तोडला विक्रम  

शिवपालने आपल्या खेळाने अनेकदा संपूर्ण देशाची मान उंचावली होती. नीरजसोबत तो तरुण खेळाडूंचा आयडॉल ठरलेला. भारतीयपंतप्रधान नरेंद्र मोदी यांनीही एकदा मन की बातमध्ये त्यांचे कौतुक केले होते. मात्र, त्याच्यावर आता कारवाई झाल्याने अनेकांची वेगळी प्रतिक्रिया येत आहे.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
IND vs SA: सूर्याच्या वादळी खेळीने आणखी एक रचला इतिहास, ग्लेन मॅक्सवेलचा तोडला विक्रम

संबंधित बातम्या

सर्वांना विस्मयचकित करत राहुल द्रविडने आईच्या पुस्तक प्रकाशन सोहळ्याला लावली हजेरी
IND vs NZ 2nd ODI: सामना न खेळताच संजू सॅमसनने जिंकली चाहत्यांची मने, पाहा व्हिडिओ
FIFA World Cup 2022; इंग्लंड-वेल्सचे चाहते एकमेकांसोबत भिडले; खुर्च्या आणि लाथांनी केली मारहाण, पाहा व्हिडिओ
बादशाहच्या गाण्यावर धोनी आणि पांड्या ब्रदर्सने धरला ठेका, व्हिडिओ होतोय व्हायरल
FIFA WC 2022: करो या मरो! जर्मनी, क्रोएशियासाठी आजच्या सामन्यात विजय आवश्यक अन्यथा स्पर्धेतून बाहेर पडण्याची भीती

व्हिडिओ

ताज्या बातम्या
विक्रम गोखलेंच्या निधनाने बिग बी भावूक, पोस्ट शेअर करत म्हणाले “भूमिका निभावली आणि हा मंच…”
“किचनचा दरवाजा लावून तो…” अजय देवगणच्या ‘या’ सवयीबद्दल काजोलचा खुलासा
पुणे: भोसरीत ‘इंद्रायणी स्वच्छता’ जनजागृती फेरीत हजारोंचा सहभाग
“छोटे पप्पू महाराष्ट्र सोडून…”, नवनीत राणांची आदित्य ठाकरेंवर खोचक टीका; उद्धव ठाकरेंवरही साधलं शरसंधान!
Video: काजोलबरोबर रोमान्स करणाऱ्या मराठमोळ्या गश्मीर महाजनीची सर्वत्र चर्चा; नेटकरी म्हणाले, “शाहरुखपेक्षा…”