Team India: शमी अन् जैस्वालची सुट्टी; हर्षितला संघात स्थान; दिग्गजाने वर्ल्डकप २०२७ स्पर्धेसाठी निवडला संभावित भारतीय संघ, विराट – रोहित खेळणार का?

भारतीय संघाने २०२३ मध्ये झालेल्या आयसीसी वनडे वर्ल्डकप स्पर्धेत अंतिम फेरीत प्रवेश केला होता. पण अंतिम फेरीत भारतीय संघाला ऑस्ट्रेलियाकडून पराभवाचा सामना करावा लागला होता. रोहित शर्माच्या नेतृत्वात भारतीय संघाने दमदार कामगिरी केली होती. पण यावेळी रोहित शर्माच्या खेळण्यावरच प्रश्नचिन्ह आहे. रोहितने अनेकदा वर्ल्डकप जिंकण्याची ईच्छा व्यक्त केली आहे. पण त्याला संघात स्थान मिळणार की नाही, हे अजूनही स्पष्ट झालेलं नाही. पण कपिल देव यांनी वनडे वर्ल्डकप स्पर्धेसाठी जो संभाव्य संघ निवडला आहे, त्या संघात रोहित शर्मा आणि विराट कोहली या दोन्ही दिग्गजांचा समावेश आहे. यासह मोहम्मद सिराज आणि भुवनेश्वर कुमार या दोघांनाही संघात स्थान देण्यात आलं आहे.

कपिल देव यांनी वर्ल्डकपसाठी जो संभाव्य संघ निवडला आहे, या संघात युवा खेळाडूंऐवजी अनुभवी खेळाडूंना अधिक प्राधान्य देण्यात आलं आहे. शुबमन गिल संघाचं नेतृत्व करेल. तर प्रमुख फलंदाज म्हणून रोहित शर्मा, विराट कोहली , श्रेयस अय्यर आणि केएल राहुल यांना संघात स्थान देण्यात आलं आहे. तर अष्टपैलू खेळाडू म्हणून हार्दिक पंड्या , रवींद्र जडेजा, नितीश कुमार रेड्डी आणि अक्षर पटेल यांना संघात स्थान देण्यात आलं आहे.यासह वेगवान गोलंदाज म्हणून त्यांनी जसप्रीत बुमराह, मोहम्मद सिराज आणि हर्षित राणाची निवड केली आहे. तर फिरकी गोलंदाज म्हणून कुलदीप यादवची निवड करण्यात आली आहे. या संघात त्यांनी मुख्य यष्टीरक्षक फलंदाज म्हणून केएल राहुलची निवड केली आहे. तर बॅकअप यष्टीरक्षक म्हणून ऋषभ पंतला संघात स्थान देण्यात आलं आहे.

आगामी वनडे वर्ल्डकप २०२६ स्पर्धेसाठी असा आहे कपिल देव यांनी निवडलेला संभावित भारतीय संघ:

शुबमन गिल ( कर्णधार), रोहित शर्मा, विराट कोहली, श्रेयस अय्यर, केएल राहुल, हार्दिक पंड्या, रवींद्र जडेजा, अक्षर पटेल, कुलदीप यादव, जसप्रीत बुमराह, मोहम्मद सिराज, भुवनेश्वर कुमार, नितीश कुमार रेड्डी, ऋषभ पंत, हर्षित राणा