डाव्या पायाच्या पोटरीला झालेल्या दुखापतीमुळे इंग्लंडचा तडाखेबंद फलंदाज केव्हिन पीटरसन ऑस्ट्रेलियाविरुद्धच्या दुसऱ्या अॅशेस कसोटीत खेळणार नसल्याचे संघाच्या प्रवक्त्याने तिसऱ्या दिवसअखेर सांगितले.‘‘केव्हिनच्या डाव्या पोटरीला दुखापत झाली असून त्यावर त्याला उपचार घ्यावे लागणार आहेत. त्यामुळेच त्याला दुसऱ्या कसोटी सामन्यात क्षेत्ररक्षणाला उतरता येणार नाही. तिसऱ्या कसोटी सामन्यापर्यंत त्याच्या दुखापतीचे आम्ही निरीक्षण करू आणि त्यानंतर त्याच्या समावेशाचा निर्णय घेऊ,’’ असे इंग्लंड संघाच्या प्रवक्त्याने सांगितले.
