KKR vs PBKS सामना पावसामुळे रद्द! पण तिकिटांच्या पैशांचं काय? जाणून घ्या तिकीट रिफंडचे नियम

IPL Refund Policy: आयपीएल सामना रद्द झाल्यानंतर पैसै परत मिळतात का? काय आहेत नियम जाणून घ्या.

kkr vs pbks (फोटो- एआय)

IPL Ticket Refund Policy: आयपीएल २०२६ स्पर्धेत सोमवारी झालेल्या सामन्यात कोलकाता नाईट रायडर्स आणि पंजाब किंग्ज हे दोन्ही संघ आमनेसामने आले होते. कोलकाता नाईट रायडर्सचा संघ नाणेफेक जिंकून प्रथम फलंदाजी करण्यासाठी मैदानात उतरला होता. ३.४ षटकांचा खेळ पूर्ण होताच पावसाने जोरदार हजेरी लावली. त्यानंतर सामना सुरू होऊ शकला नाही. पाऊस थांबण्याची वाट पाहिली, परंतु पाऊस न थांबल्याने अखेर ११ वाजता सामना रद्दची घोषणा करण्यात आली. त्यामुळे दोन्ही संघांना प्रत्येकी १-१ गुण देण्यात आला. सामना तर रद्द झाला, पण ज्या क्रिकेट चाहत्यांनी पैसे मोजून तिकीट खरेदी केलं होतं त्यांचं काय? सामना रद्द झाल्यानंतर त्यांना रिफंड मिळतो का? आयपीएलचा नियम काय सांगतो? जाणून घ्या.

आयपीएलकडून तिकिटांबाबत काही नियम लागू करण्यात आले आहेत. जर सामना एकही चेंडू न टाकता रद्द करण्यात आला, तर क्रिकेट चाहत्यांना पूर्ण पैसे परत केले जातात. पण काही टक्के रक्कम वजा केली जाते. ही रक्कम कापून ८० ते ९० टक्के रक्कम परत केली जाते. पण कोलकाता नाईट रायडर्स आणि पंजाब किंग्ज यांच्यातील सामना चौथ्या षटकापर्यंत गेला होता, अशा स्थितीत रक्कम परत केली जाते का?

हेही वाचा

RR vs MI: “वैभव काही नवीन खेळाडू नाही…”, मुंबईच्या बॉलिंग कोचचं वैभव सूर्यवंशीबाबत मोठं वक्तव्य; सामन्यापूर्वीच्या चर्चांना दिला पूर्णविराम

तर उत्तर आहे, हो. कारण ४ षटकांचा खेळ पूर्ण झाला नव्हता. त्यामुळे काही रक्कम आणि टॅक्सची रक्कम वजा करून, ती रक्कम क्रिकेट चाहत्यांना परत केली जाईल. हा सामना रद्द झाल्यानंतर, आयपीएलकडून रिफंडबाबत कुठलीही अधिकृत घोषणा करण्यात आलेली नाही. पण आतापर्यंत असंच घडलं आहे. जेव्हा जेव्हा सामना एकही चेंडू न टाकता किंवा लवकरच रद्द केला जातो, तेव्हा तिकीटाची रक्कम परत केली जाते.

हेही वाचा

MI vs RR : चमकदार कामगिरीचे मुंबईचे लक्ष्य! ‘आयपीएल’ लढतीत आज राजस्थान रॉयल्सचे आव्हान; हार्दिकच्या तंदुरुस्तीची चर्चा…

जर ५ षटकांचा खेळ पूर्ण झाल्यानंतर, पावसाने हजेरी लावली असती तर कदाचित रिफंड मिळणं कठीण होतं. पण ३.४ षटकांचा खेळ झाल्याने बीसीसीआयकडून रिफंड दिला जाऊ शकतो. ही रक्कम येत्या ७ ते ८ दिवसात परत केली जाऊ शकते. बीसीसीआयकडून या गोष्टीची पूर्ण काळजी घेतली जाते. याआधीही अनेक सामने रद्द झाले आहेत. अशा स्थितीत चाहत्यांना रिफंड दिला गेला आहे.