ऐकलं का..? विराटनंतर रोहित नव्हे, तर ‘हा’ खेळाडू होणार टीम इंडियाचा नवा कप्तान!

टी-२० वर्ल्डकपनंतर विराट भारताचं नेतृत्व सोडणार आहे, त्यानंतर रोहित नवा कप्तान असेल, अशा चर्चाही रंगू लागल्या, पण…

kl rahul likely to lead team india in t20 series against new zealand reports
टीम इंडियाला मिळणार नवा कप्तान

यंदाच्या टी-२० वर्ल्डकपनंतर विराट कोहली भारतीय संघाच्या टी-२० कप्तानपदाला अलविदा म्हणणार आहे. त्यानंतर रोहित शर्मा हा भारताचा नवा टी-२० कप्तान असेल, अशा चर्चाही रंगू लागल्या आहेत. पण, या दोघांव्यतिरिक्त एक नवा खेळाडू मैदानात उभा राहिला असून न्यूझीलंडविरुद्धच्या टी-२० मालिकेत तोच टीम इंडियाची कमान सांभाळणार असल्याचे वृत्त आहे.

भारतीय संघाचा सलामीवीर केएल राहुलला नोव्हेंबरमध्ये न्यूझीलंडविरुद्धच्या तीन सामन्यांच्या टी-२० मालिकेसाठी भारतीय संघाचा कर्णधार बनवले जाऊ शकते. या मालिकेतील कर्णधारपदाच्या शर्यतीत तो आघाडीवर असल्याचे मानले जात आहे. टी-२० विश्वचषकानंतर न्यूझीलंडचा संघ भारत दौऱ्यावर येणार आहे. पहिला सामना १७ नोव्हेंबरला जयपूरमध्ये होणार आहे. त्याचवेळी, दुसरा सामना रांचीमध्ये आणि तिसरा आणि शेवटचा टी-२० सामना कोलकातामध्ये होणार आहे.

स्पोर्ट्सकीडाच्या वृत्तानुसार, या मालिकेसाठी केएल राहुलला भारतीय संघाचा कर्णधार म्हणून नियुक्त केले जाऊ शकते. वास्तविक, टी-२० विश्वचषक खेळणाऱ्या बहुतेक खेळाडूंना या मालिकेसाठी विश्रांती दिली जाईल आणि त्यामुळे केएल राहुल कर्णधार बनू शकतो.

हेही वाचा – विराट कोहलीच्या १० वर्षीय मुलीला धमक्या, दिल्ली महिला आयोगानं उचललं ‘हे’ पाऊल!

बीसीसीआयशी संबंधित एका सूत्राने एएनआयशी केलेल्या संभाषणात केएल राहुलच्या कर्णधारपदाचा खुलासा केला. तो म्हणाला, “वरिष्ठ खेळाडूंना विश्वचषकानंतर विश्रांतीची आवश्यकता असेल आणि केएल राहुल हा भारतीय टी-२० संघाचा महत्त्वाचा भाग आहे. तो संघाचे नेतृत्व करणार असल्याचे जवळपास निश्चित झाले आहे. विराट कोहलीनंतर भारतीय संघाचा पुढील कर्णधार निवडण्यासाठी भारतीय निवड समिती येत्या काही दिवसांत बैठक घेणार आहे.”

टी-२० मालिकेदरम्यान, ईडन गार्डन्सवरील सामना पाहण्यासाठी ७० टक्के प्रेक्षकांना स्टेडियममध्ये येण्याची परवानगी असेल. ईडन गार्डनची क्षमता प्रचंड आहे. केवळ ७० टक्के प्रेक्षक येऊ दिले, तर सुमारे ५० हजार प्रेक्षक मैदानात येऊ शकतात. कोणत्याही क्रिकेट सामन्यासाठी हा मोठा आकडा म्हणता येईल.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Kl rahul likely to lead team india in t20 series against new zealand reports adn

Next Story
ऑलिम्पिक पदकात पुण्याचाही वाटा -सायना
ताज्या बातम्या