ऑस्ट्रेलिया दौऱ्यात शेन वॉर्नच्या मार्गदर्शनाचा फायदा झाला – कुलदीप यादव

कुलदीपने मानले वॉर्नचे आभार

नुकत्याच पार पडलेल्या ऑस्ट्रेलिया आणि न्यूझीलंड दौऱ्यात कुलदीप यादवने आपल्या फिरकी गोलंदाजीने सर्वांना प्रभावित केलं. आपल्या या यशाचं श्रेय कुलदीप यादवने ऑस्ट्रेलियाचा माजी फिरकीपटू शेन वॉर्नला दिलं आहे. शेन वॉर्नने केलेल्या मार्गदर्शनाला मला फायदा झाल्याचं कुलदीप यादव म्हणाला, तो CricketNext या संकेतस्थळाशी बोलत होता.

“ज्या क्षणी आम्ही ऑस्ट्रेलियात दाखल झालो, त्यावेळपासून शेन वॉर्न आमच्यासोबत होता. रवी सरांनी माझी शेन वॉर्नसोबत ओळख करुन दिली. त्यानंतर खेळ सुरु व्हायच्या प्रत्येक दिवसाआधी मी वॉर्नसोबत चर्चा करायचो. ऑस्ट्रेलियातल्या वातावरणाशी जुळवून घेत चेंडू कसा टाकायचा, कोणत्या जागेवर टप्पा ठेवल्यास चेंडू उसळी घेईल याचे सर्व धडे मला वॉर्नने दिले. अनेकदा वॉर्नने मला हुरुपही दिला.” कुलदीप शेन वॉर्नने केलेल्या मार्गदर्शनाबद्दल बोलत होता.

ऑस्ट्रेलियाविरुद्ध चौथ्या कसोटी सामन्यात कुलदीपला संधी मिळाली होती. या सामन्यात कुलदीपने ऑस्ट्रेलियाच्या डावाला खिंडार पाडलं होतं. मात्र पावसाने व्यत्यय आणल्यामुळे हा सामना अनिर्णित राहिला. यानंतर न्यूझीलंडविरुद्ध मर्यादीत षटकांच्या मालिकेतही कुलदीपने चांगली गोलंदाजी केली. विश्वचषक अवघ्या काही महिन्यांवर आलेला असताना, आपण आताही फोन आणि व्हॉट्सअपच्या माध्यमातून वॉर्नशी बोलत असल्याचं कुलदीप म्हणाला. याचसोबत आयपीएलमध्येही आपण वॉर्नशी चर्चा करणार असल्याचं कुलदीपने सांगितलं.

अवश्य वाचा – विश्वचषकासाठी उमेश यादव योग्य पर्याय – आशिष नेहरा

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Kuldeep yadav reveals how shane warne helped him during australia tour

ताज्या बातम्या