scorecardresearch

Lasith Malinga: भल्या-भल्या फलंदाजांना धडकी भरवणारा गोलंदाज; आता आपल्या मुलीला देतोय क्रिकेटचे धडे, पाहा व्हिडिओ

श्रीलंकेचा माजी कर्णधार लसिथ मलिंगाने एक व्हिडिओ शेअर केला आहे. ज्यामध्ये तो आपल्या मुलगी एकीशा सेपरमाडूला क्रिकेटचे धडे देताना दिसत आहे.

Lasith Malinga: भल्या-भल्या फलंदाजांना धडकी भरवणारा गोलंदाज; आता आपल्या मुलीला देतोय क्रिकेटचे धडे, पाहा व्हिडिओ
माजी खेळाडू लसिथ मलिंगा (फोटो-लोकसत्ता ग्राफिक्स टीम)

श्रीलंकेचा माजी कर्णधार लसिथ मलिंगा अलीकडे मेलबर्नमध्ये क्रिकेट सराव नेटमध्ये त्याची मुलगी एकीशा सेपरमाडूसोबत बराच वेळ घालवत आहे. यावेळी त्याने एक व्हिडिओ देखील शेअर केला आहे. ज्यामध्ये तो आपल्या मुलीला फलंदाजीच्या धडे शिकवताना दिसत आहे. नुवान कुलसेकरा आणि प्रभात निसांका यांच्यासह, मलिंगा मेलबर्नमध्ये मेलबर्न क्रिकेट कोचिंगद्वारे आयोजित “द ट्रिपल इफेक्ट” नावाच्या गोलंदाजी कार्यशाळेचा भाग आहेत.

त्यांना ऑस्ट्रेलियातील विविध वयोगटातील युवा खेळाडूंना प्रशिक्षण देण्यासाठी नियुक्त केले आले. मलिंगाने याआधीच क्रिकेटच्या एकदिवसीय आणि कसोटी फॉर्मेटमधून निवृत्ती घेतली होती, परंतु टी-२० विश्वचषक रोस्टर बनवण्याच्या प्रयत्नात तो टी-२० आंतरराष्ट्रीय सामन्यांमध्ये खेळत राहिला. त्यानंतर ३८ वर्षीय खेळाडूने सर्वात लहान फॉरमॅटमधूनही निवृत्ती जाहीर केली. युवा ऑस्ट्रेलियन गोलंदाजांना त्यांच्या पूर्ण क्षमतेपर्यंत पोहोचवण्यासाठी तो आता अकादमीसोबत काम करत आहे. तो सहा आठवडे अकादमीत प्रशिक्षण देणार आहे.

यादरम्यान तो आपल्या मुलीसोबत वेळ घालवताना दिसला. यासोबतच तो आपल्या मुलीला फलंदाजीच्या युक्त्या तसेच चेंडू ओळखणे शिकवत आहे. त्याचबरोबर तो चेंडू सरळ चालवण्यास शिकवण्यासोबतच युवा ऑस्ट्रेलियन खेळाडू आणि वेगवान गोलंदाजांना नेटमध्ये प्रशिक्षण देत आहे.

हेही वाचा – IND vs BAN: रोहित शर्मा दुसरी कसोटी खेळू शकेल का? दुखापतीबद्दल आली मोठी अपडेट, घ्या जाणून

एकेकाळी मलिंगा सर्वोत्तम यॉर्कर चेंडू टाकण्यात माहीर होता. त्याच्या गोलंदाजीला चांगले-चांगले फलंदाज घाबरायचे. तसेच त्याच्या ३१० मर्यादित षटकांच्या आंतरराष्ट्रीय सामन्यांमध्ये, लसिथने एकूण ४४५ विकेट्स घेतल्या आहेत. दहा वर्षे मुंबई इंडियन्सच्या गोलंदाजीचे नेतृत्व करणारा श्रीलंकेचा संघ आयपीएलमध्ये प्रसिद्ध आहे. त्याने एकूण ११० आयपीएल सामन्यात १७० विकेट्स घेतल्या आहेत. तो सध्या राजस्थान रॉयल्सचा गोलंदाजी प्रशिक्षक आहे.

मराठीतील सर्व क्रीडा ( Krida ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

First published on: 16-12-2022 at 16:46 IST

संबंधित बातम्या