Lionel Messi Record: लिओनेल मेस्सी जगात भारी! वर्ल्डकपमध्ये ‘हा’ खास रेकॉर्ड करणारा ठरला पहिलाच खेळाडू

लिओनेल मेस्सी हा अर्जेंटिनाचा सर्वात अनुभवी खेळाडू आहे. अर्जेंटिनाला राऊंड ऑफ १६ मध्ये पोहचवण्यात त्याने मोलाची भूमिका बजावली आहे. हा सामना खेळण्यासाठी मैदानात उतरताच त्याच्या नावे फिफा वर्ल्डकप स्पर्धेच्या इतिहासातील सर्वात मोठ्या रेकॉर्डची नोंद झाली आहे. मेस्सी हा फिफा वर्ल्डकप स्पर्धेत ३० सामने खेळणारा एकमेव खेळाडू ठरला आहे. याआधी कुठल्याही खेळाडूला अशी कामगिरी करता आलेली नाही.

यासह मेस्सीच्या नावे आणखी एका खास रेकॉर्डची नोंद झाली आहे. त्याने वर्ल्डकप स्पर्धेत २० गोल करण्याचा आकडा गाठला आहे. हा खास रेकॉर्ड करणारा देखील तो जगातील पहिलाच खेळाडू ठरला आहे. या स्पर्धेत मेस्सीच्या नावाचा बोलबाला पाहायला मिळाला आहे. या स्पर्धेत त्याने आतापर्यंत एकूण ७ गोल केले आहेत. हा आकडा अजून वाढू शकतो. मुख्य बाब म्हणजे त्याने गोल्डन बूटच्या शर्यतीत फ्रान्सचा स्टार खेळाडू कायलियन एम्बाप्पेला मागे टाकलं आहे.

या सामन्यात दोन्ही संघांमध्ये रोमांचक सामना पाहायला मिळाला. या सामन्यात मेस्सीने पहिला गोल करून अर्जेंटिनाला दमदार सुरुवात करून दिली. त्यानंतर केप व्हर्डे संघाने दमदार पुनरागमन केलं. ५९ व्या मिनिटाला डेरॉय डुआर्टेने गोल केला आणि सामना १-१ ने बरोबरीत आणला. त्यामुळे सामना एक्स्ट्रा टाईममध्ये गेला होता. त्यावेळी ९३ व्या मिनिटाला अर्जेंटिनाकडून मार्टिनेजने गोल केला आणि अर्जेंटिनाला २-१ ने आघाडी मिळवून दिली. पण केप व्हर्डेचा संघ हार मानायला तयार नव्हता. केप व्हर्डे संघानेही गोल करून स्कोअर २-२ ने बरोबरीत आणला. पण शेवटी अर्जेंटिनाकडून रोमेरेने निर्णायक गोल केला आणि अर्जेंटिनाला ३-२ ने आघाडी मिळवून दिली. अर्जेंटिनाने ही आघाडी शेवटपर्यंत कायम ठेवली आणि सामना खिशात घातला.