कतार फिफा विश्वचषक २०२२ स्पर्धेचा थरार अंतिम टप्प्यात पोहोचला आहे. शुक्रवारी रात्री उशिरा दुसरा उपांत्यपूर्व सामना अतिशय रोमांचक झाला. या सामन्यात लिओनेल मेस्सीचा संघ अर्जेंटिना नेदरलँडशी भिडला. ज्यामध्ये अर्जेंटिनाने पेनल्टी शूटआऊटमध्ये ४-३ असा विजय मिळवत उपांत्य फेरीत प्रवेश केला. आता मेस्सीचा संघ यावेळी चॅम्पियन होण्यापासून दोन विजय दूर आहे. अर्जेंटिना संघ आता उपांत्य फेरीत क्रोएशियाशी भिडणार आहे. क्रोएशियाने उपांत्यपूर्व फेरीच्या सामन्यात नेमारचा संघ ब्राझीलचा पेनल्टी शूटआऊटमध्ये पराभव केला. आता अर्जेंटिना आणि क्रोएशिया यांच्यातील हा उपांत्य सामना १३ डिसेंबर रोजी उशिरा रात्री साडेबारा वाजता होणार आहे. https://twitter.com/FIFAWorldCup/status/1601360209468956673?s=20&t=c8byTNR8ttIR16b__pMv7Q नेदरलँड्सने असे केले होते दमदार पुनरागमन - उत्तरार्धात हा सामना खूपच रोमांचक झाला. नेदरलँड संघाने ८३व्या मिनिटाला पहिला गोल करून सामना २-१ केला होता. बाउट बेघोर्स्टने सर्जिओ बर्घॉसजवळ हेडरद्वारे हा गोल केला. यानंतर निर्धारित ९० मिनिटांनंतर अर्जेंटिनाने २-१ ने सामना आपल्या ताब्यात ठेवला. त्यानंतर इंज्युरी टाईमच्या जवळपास शेवटच्या मिनिटात नेदरलँड्सने दुसरा गोल करत सामना २-२ असा बरोबरीत आणला. हा गोलही बेघोर्स्टने ९०व्या + ११व्या मिनिटाला केला. यानंतर अतिरिक्त वेळेतही सामन्याचा निकाल लागला नाही. यानंतर पेनल्टी शूटआऊटमध्ये अर्जेंटिनाने हा सामना ४-३ अशा फरकाने जिंकला. https://twitter.com/FIFAWorldCup/status/1601335382204989450?s=20&t=bEBJLstN8Qk3Po36xMj63w मेस्सीने इतिहास रचत गॅब्रिएलची केली बरोबरी - https://twitter.com/FIFAWorldCup/status/1601315706611683328?s=20&t=SIx-QT6-Q_I6f-mFxymWlA विश्वचषकाच्या इतिहासात मेस्सीचे १० गोल झाले आहेत. यासह मेस्सीने माजी देशबांधव गॅब्रिएल बतिस्तुताची बरोबरी केली आहे. मेस्सी आणि गॅब्रिएल आता संयुक्तपणे वर्ल्ड कपमध्ये सर्वाधिक गोल करणारे अर्जेंटिनाचे खेळाडू बनले आहेत. मॅराडोनाचे वर्ल्ड कपमध्ये ८ गोल आहेत. या मोसमात मेस्सीने आतापर्यंतचा चौथा गोल केला आहे. अर्जेंटिनाने पूर्वार्धात दाखवली ताकद - अर्जेंटिनाच्या संघाने सामन्याच्या सुरुवातीपासूनच नेदरलँड्सवर मजबूत पकड ठेवली होती. मेस्सीच्या संघाने हळूहळू आपला आक्रमक खेळ स्वीकारला. ३५व्या मिनिटाला मोलिनाने डच बचावातून गोल केला. कर्णधार मेस्सीने केवळ या गोलला मदत केली. विरोधी खेळाडूंनी घेरल्यानंतर मेस्सीने पास दिला, त्याचा फायदा मोलिनाने घेतला. हेही वाचा - FIFA world cup 2022 : पोर्तुगालपुढे झुंजार मोरोक्कोचे आव्हान!; उपांत्यपूर्व फेरीचा सामना आज गोलच्या प्रयत्नांच्या बाबतीतही अर्जेंटिनाचे पारडे जड - https://twitter.com/FIFAWorldCup/status/1601336276623724545?s=20&t=c8byTNR8ttIR16b__pMv7Q या एका गोलमुळे अर्जेंटिनाने पूर्वार्धात १-० अशी आघाडी घेतली. पूर्वार्धात नेदरलँड संघ अर्जेंटिनावर भारी पडला होता. मेस्सीच्या संघाचा चेंडूवर ४२ टक्के ताबा होता, तर नेदरलँड्सच्या चेंडूवर ५८ टक्के ताबा होता. पण गोलच्या प्रयत्नांच्या बाबतीत अर्जेंटिनाने वर्चस्व गाजवले. त्याने पूर्वार्धात ५ वेळा गोल करण्याचा प्रयत्न केला, ज्यामध्ये तीन लक्ष्यावर होते. यापैकी एक गोल करण्यात ते यशस्वी ठरले. तर नेदरलँड संघाने एकच गोल करण्याचा प्रयत्न केला होता. तोही निशाण्यावर नव्हता.
