SA vs ZIM: लुंगी एन्गिडीने घडवला इतिहास! दक्षिण आफ्रिकेसाठी अशी कामगिरी करणारा ठरला पहिलाच गोलंदाज

लुंगी एन्गिडी या सामन्यातील दुसरे षटक टाकण्यासाठी गोलंदाजीला आला.या षटकात गोलंदाजी करताना त्याने संघातील अनुभवी फलंदाज रायन बर्लला बाद करत माघारी धाडलं. त्याने भन्नाट वेगाने चेंडू टाकून रायन बर्लला LBW करत माघारी धाडलं. रायन बर्लला बाद करताच लुंगी एन्गिडी हा दक्षिण आफ्रिकेसाठी टी-२० आंतरराष्ट्रीय क्रिकेटमध्ये सर्वाधिक गडी बाद करणाऱ्या गोलंदाजांच्या यादीत अव्वल स्थानी पोहोचला आहे. या सामन्यासाठी मैदानात येण्याआधी त्याच्या नावे ८९ गडी बाद करण्याची नोंद होती. पण १ गडी बाद करताच त्याने ९० चा आकडा गाठला. तर फिरकी गोलंदाज तबरेज शम्सीच्या नावे ७० सामन्यांमध्ये ८९ गडी बाद करण्याची नोंद आहे.

दक्षिण आफ्रिकेसाठी सर्वाधिक गडी बाद करणाऱ्या गोलंदाजांच्या यादीत अनुभवी गोलंदाज कगिसो रबाडा अव्वल स्थानी आहे. रबाडाच्या नावे ७८ सामन्यांमध्ये ८२ गडी बाद करण्याची नोंद आहे. तर आणखी एक दिग्गज गोलंदाज डेल स्टेन या यादीत चौथ्या स्थानी आहे. डेल स्टेनच्या नावे टी-२० आंतरराष्ट्रीय क्रिकेटमध्ये ६४ गडी बाद करण्याची नोंद आहे. तर माजी गोलंदाज इमरान ताहीरच्या नावे ६१ गडी बाद करण्याची नोंद आहे.

टी-२० आंतरराष्ट्रीय क्रिकेटमध्ये दक्षिण आफ्रिकेसाठी सर्वाधिक गडी बाद करणारे गोलंदाज

लुंगी एन्गिडी- ९० गडी
तबरेज शम्सी- ८९ गडी
कगिसो रबाडा- ८२ गडी
डेल स्टेन – ६४ गडी
इमरान ताहीर- ६१ गडी

या सामन्यातील पहिल्या डावात फलंदाजीसाठी आलेल्या झिम्बाब्वेला २० षटकांअखेर ७ गडी बाद १५३ धावा करता आल्या होत्या. झिम्बाब्वेकडून फलंदाजी करताना सिकंदर रझाने सर्वाधिक ७३ धावांची खेळी केली होती.