IND vs NZ : मार्टिन गप्टिलचा विश्वविक्रम; विराट, रोहितला मागे टाकत बनला एक नंबरी फलंदाज!

भुवनेश्वर कुमारच्या पहिल्याच षटकात गप्टिलनं तीन चौकार ठोकले अन्…

Martin Guptill surpasses Virat Kohli to become highest run-scorer in T20I cricket
विराट कोहली आणि मार्टिन गप्टिल

रांची येथे भारत आणि न्यूझीलंड यांच्यात टी-२० मालिकेतील दुसरा सामना खेळला जात आहे. या सामन्यात न्यूझीलंडचा सलामीवीर मार्टिन गप्टिलने विराट कोहलीचा आंतरराष्ट्रीय टी-२० क्रिकेटमध्ये सर्वाधिक धावांचा विश्वविक्रम मोडला. या सामन्यापूर्वी गप्टिलला कोहलीचा विक्रम मोडण्यासाठी ११ धावांची गरज होती. भुवनेश्वर कुमारच्या पहिल्याच षटकात त्याने तीन चौकार मारून विराटला मागे सोडले. मात्र, चौथ्या चेंडूवर त्याला संजीवनी मिळाली.

या षटकात त्याने सरळ उंच फटका खेळला. केएल राहुलने मागे धावत असताना हा झेल पकडण्याचा प्रयत्न केला. पण चेंडू हातातून निसटला आणि गप्टिल बाद होण्यापासून बचावला. यानंतर त्याने या षटकाच्या शेवटच्या चेंडूवर आणखी एक चौकार मारून विराट कोहलीचा सर्वाधिक टी-२० धावांचा विक्रम मोडला. या विक्रमात तिसऱ्या क्रमांकावर रोहित शर्मा आहे. गप्टिल १५ चेंडूत ३१ धावा करून दीपक चहरचा बळी ठरला.

हेही वाचा – VIDEO : चेंडूचा वेग २१९ kmph..! पाकिस्तानसाठी ‘खलनायक’ ठरलेल्या हसन अलीचा नवा कारनामा; चाहते हैराण!

गप्टिलने आतापर्यंत १११ टी-२० सामन्यांमध्ये ३२४८ धावा केल्या आहेत. या फॉरमॅटमध्ये त्याने २ शतके आणि १९ अर्धशतके केली आहेत. त्याने १६१ षटकार आणि २८३ चौकार मारले आहेत. त्याचबरोबर विराट कोहलीने ९५ टी-२० सामन्यांमध्ये ३२२७ धावा केल्या आहेत. त्याने २९ अर्धशतके केली आहेत. विराटने २९० चौकार आणि ९१ षटकार मारले आहेत.

आंतरराष्ट्रीय टी-२० क्रिकेटमध्ये सर्वाधिक धावा

  • ३२३१ मार्टिन गप्टिल
  • ३२२७ विराट कोहली
  • ३०८५ रोहित शर्मा
  • २६०८ आरोन फिंच
  • २५७० पॉल स्टर्लिंग

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Martin guptill surpasses virat kohli to become highest run scorer in t20i cricket adn

Next Story
VIDEO: अस्वच्छ खोली १५ मिनिटांत चकाचक
ताज्या बातम्या