MCC has conferred life membership: मेरीलेबोन क्रिकेट क्लबने भारतातील पाच खेळाडूंना आपल्या क्लबचे आजीवन सदस्यत्व बहाल केले आहे. मेरीलेबोन क्रिकेट क्लबने (MCC) विश्वचषक विजेत्या कर्णधार एमएस धोनीलाही आजीवन सदस्यत्व बहाल केले आहे. क्लबने सुरेश रैना आणि युवराज सिंग यांच्यासह सर्व १९ पुरुष आणि महिला क्रिकेटपटूंना सन्मानित केले आहे, हे दोघेही धोनीच्या २०११ च्या विश्वचषक विजेत्या संघाचे सदस्य होते. मिताली राज-झूलन गोस्वामी यांनाही सन्मान मिळाला - या यादीत भारताची माजी महिला कर्णधार मिताली राजचेही नाव आहे. मिताली राजसह महिला एकदिवसीय सामन्यात सर्वाधिक विकेट घेण्यात आघाडीवर असणारी झुलन गोस्वामी देखील सन्मान यादीत आहे. या यादीत इंग्लंड आणि भारताचे प्रत्येकी पाच खेळाडू आहेत. एमसीसीचे मुख्य कार्यकारी आणि सचिव गाय लॅव्हेंडर म्हणाले, “आम्ही नवीन आंतरराष्ट्रीय उन्हाळ्याची तयारी करत असताना, एमसीसीच्या मानद आजीवन सदस्यांच्या आमच्या नवीनतम गटाची घोषणा करण्यात सक्षम झाल्याबद्दल आम्हाला आनंद होत आहे. आज जाहीर केलेली नावे आधुनिक काळातील काही महान आंतरराष्ट्रीय खेळाडू आहेत. हेही वाचा - MI vs RCB: ‘हेल्मेटवर मार’, रोहितने धाव घेताच आरसीबीच्या खेळाडूची घसरली जीभ, चाहत्यांचा विराटवर आरोप! पाहा VIDEO एमसीसीची क्रिकेट समिती या खेळातील काही दिग्गजांच्या उत्कृष्ट आंतरराष्ट्रीय कारकीर्दींसाठी मानद आजीवन सदस्यत्वासाठी क्रिकेटपटूंच्या नामांकनांचा विचार करते. ज्या व्यक्तींनी एमसीसी किंवा सर्वसाधारणपणे खेळात असाधारण योगदान दिले आहे त्यांना मानद आजीवन सदस्यत्व देखील दिले जाते. एमसीसी समितीने मान्यता दिल्यानंतर, व्यक्तीला स्वीकारण्यासाठी आमंत्रण पत्रे पाठवली जातात. दर वर्षी कोणताही निश्चित संख्या नाही. नामनिर्देशित व्यक्ती कधीही सन्मान स्वीकारू आणि प्राप्त करू शकतात. सन्मान यादीतील इतर खेळाडू - मेरिसा अगुइलेरा (वेस्ट इंडीज, 2008-2019), जेनी गन (इंग्लंड, 2004-2019), मुहम्मद हाफिज (पाकिस्तान, 2003-2021), रॅचेल हेन्स (ऑस्ट्रेलिया, 2009-2022), लॉरा मार्श (इंग्लंड, 206-2020) , इयॉन मॉर्गन (इंग्लंड, 2006–2022), मशरफे मोर्तझा (बांगलादेश, 2001–2020), केविन पीटरसन (इंग्लंड, 2005–2014), एमी सॅटरथवेट (न्यूझीलंड, 2007–2022), अन्या श्रब्सलंड (2007–2022) ), डेल स्टेन (दक्षिण आफ्रिका, 2004-2020) आणि रॉस टेलर (न्यूझीलंड, 2006-2022)