MI vs CSK IPL 2026: मुंबईची लोकल रूळावरून घसरली! चेन्नईचा मुंबईच्या घरच्या मैदानावर सर्वात मोठा विजय

जेमी ओवर्टनच्या षटकात मोठा फटका खेळण्याच्या प्रयत्नात क्रिश भगत झेलबाद झाला. यानंतर पुढच्या षटकातील पहिल्या चेंडूवर अंशुल कंबोजने कनक्शन सबस्टिट्यूट शार्दुलला झेलबाद केलं.

अकील हुसैन मुंबई इंडियन्स संघावर चांगलाच भारी पडला. अकीलने १४व्या षटकात सूर्यकुमार यादवला झेलबाद करत मुंबईच्या पुनरागमनाच्या आशा धुळीस मिळवल्या.

अकील हुसैनने पॉवरप्लेमधील विकेट्सनंतर १२व्या षटकात तिलक वर्माला क्लीन बोल्ड करत मुंबईला मोठा धक्का दिला. तिलक वर्मा ३७ धावा करत माघारी परतला.

चेन्नईच्या गोलंदाजांनी मुंबईच्या धावांना चांगलाच ब्रेक लावला आहे. पॉवरप्लेमध्ये मुंबईने ३ विकेट्स गमावत फक्त २९ धावा केल्या आहेत. सूर्यकुमार यादव व तिलक वर्माची जोडी मैदानावर आहे.

चेन्नईकडून दुसरं षटक टाकण्यासाठी मुकेश चौधरी आला. मुकेशने सलग ४ डॉट चेंडू टाकत चांगली सुरूवात केली. त्यानंतर पाचव्या चेंडूवर मुकेशने क्विंटन डीकॉकला क्लीन बोल्ड केलं. मुकेशने ही विकेट आभाळाकडे पाहत आईला समर्पित केली. मंगळवारी २१ एप्रिलला मुकेश चौधरीच्या आईचं दीर्घ आजाराने निधन झालं.

संजू सॅमसनच्या शतकाच्या बळावर मुंबई इंडियन्सने २०७ धावांचा डोंगर उभारला आहे. संजूने नाबाद १०१ धावांची खेळी केली. यासह संजूने यंदाच्या हंगामातील दुसरं शतक झळकावलं आहे. ऋतुराज गायकवाड २२ धावा, डेवाल्ड ब्रेविस २१ धावांचं योगदान दिलं. यासह आता मुंबईला घरच्या मैदानावर विजयासाठी २०८ धावांचं आव्हान दिलं आहे.

अश्वनी कुमारने स्पेलमधील अखेरच्या षटकातील अखेरच्या चेंडूवर महत्त्वाची विकेट मिळवली. अश्वनीच्या चेंडूवर मोठा फटका खेळण्याच्या प्रयत्नात ओवर्टन झेलबाद झाला. पण या षटकात सीएसकेने १५ धावा कुटल्या.

कार्तिक शर्माने मिचेल सँटनरच्या गोलंदाजीवर २ षटकार लगावत आपल्या फलंदाजीची झलक दाखवली. यासह आता १५ षटकांत चेन्नईने ४ बाद १४९ धावा केल्या आहेत.

चेन्नईचा सलामीवीर फलंदाज संजू सॅमसनने आपल्या उत्कृष्ट फॉर्माचा पुन्हा एकदा नमुना दिला आहे. संजूने मुंबई इंडियन्सविरूद्ध वानखेडेच्या मैदानावर २६ चेंडूत आपलं अर्धशतक झळकावलं आहे. संजूच्या या खेळीच्या बळावर सीएसके मोठ्या धावसंख्येच्या दिशेने जात आहे.

अल्लाह गझनफर नवव्या षटकात गोलंदाजीला आला आणि त्याने येताच पहिल्या चेंडूवर संघाला मोठी विकेट मिळवून दिली. गझनफरने शिवम दुबेला क्लीन बोल्ड केलं. दुबे ५ धावा करत माघारी परतला.

मिचेल सँटनर पॉवरप्लेमधील अखेरचं षटक टाकण्यासाठी आला. त्याच्या पहिल्याच दोन चेंडूवर सर्फराझ खानने चौकार लगावले. तिसरा चेंडू डॉट राहिला. त्यानंतर सँटनरने अजून स्लो बॉल टाकत सर्फराझ खानला क्लीन बोल्ड केलं. यासह चेन्नईने २ विकेट्स गमावल्या आणि पॉवरप्लेमध्ये ७२ धावांचा डोंगर उभारला.

मुंबई इंडियन्सला अल्लाह गझनफरने पहिली विकेट मिळवून दिली आहे. तिसऱ्या षटकात मोठा फटका खेळण्याच्या प्रयत्नात ऋतुराज सीमारेषेजवळ तिलक वर्माकरवी झेलबाद झाला. यासह चेन्नईची धावसंख्या ३ षटकांनंतर १ बाद ३२ धावा.

क्विंटन डी कॉक (यष्टीरक्षक), नमन धीर, सूर्यकुमार यादव, हार्दिक पंड्या (कर्णधार), तिलक वर्मा, शेरफेन रदरफोर्ड, मिचेल सँटनर, जसप्रीत बुमराह, क्रिश भगत, एएम गझनफर, अश्वनी कुमार

एल क्लासिको सामन्याची नाणेफेक मुंबई इंडियन्सने जिंकत प्रथम गोलंदाजी करण्याचा निर्णय घेतला आहे. तर सीएसकेचा संघ फलंदाजीने सामन्याला सुरूवात करेल. दोन्ही संघांचे माजी दिग्गज कर्णधार रोहित शर्मा आणि एम एस धोनी या सामन्यात खेळताना दिसणार नाहीत.