WPL 2026 MI vs DC: दिल्ली ऑल आऊट! मुंबईच्या पोरींचा दणदणीत विजय; हरमन-स्किव्हर-कॅरी ठरल्या विजयाच्या स्टार

चिनेल हेन्रीने ३१ चेंडूत ५ चौकार व ३ षटकारांच्या मदतीने ५३ धावा करत अर्धशतक केलं. यासह हेन्री ३३ चेंडूत ५६ धावा करत झेलबाद झाली. अमेलिया करने तिला झेलबाद करत माघारी धाडली. यासह मुंबईचा संघ विजयाच्या दिशेने पोहोचला आहे.

अमेलिया करने १२व्या षटकात निकी प्रसादला क्लीन बोल्ड करत संघाला अजून एक विकेट मिळवून दिली. यासह दिल्लीचा निम्मा संघ माघारी परतला आहे. दिल्लीला आता विजयासाठी ४८ चेंडूत १०८ धावांची गरज आहे. मैदानावर चिनेल हेन्री व स्नेह राणाची जोडी आहे.

कर्णधार जेमिमा रॉड्रिग्ज स्वस्तात माघारी परतली आहे. २ विकेटस् गमावल्यानंतर शबनम इस्माईल गोलंदाजीला आली. शबनमने कमालीचा चेंडू टाकला आणि चेंडू जेमिमाच्या बॅटची कड घेत विकेटच्या मागे गेला, कमालिनीने कोणतीही चूक न करता एका हाताने चेंडू टिपला आणि संघाला चौथी विकेट मिळवून दिली.

दिल्ली कॅपिटल्सची सलामीवीर लिझेल ली पहिल्या सामन्यात १० धावा करत बाद झाली. नॅट स्किव्हरने तिसऱ्या षटकात तिला झेलबाद करवत माघारी धाडलं.

हरमनप्रीत कौरने अखेरच्या षटकात सलग ४ चौकार लगावत १९ धावा कुटल्या. हरमनप्रीत कौरने ४२ चेंडूत ८ चौकार व ३ षटकारांसह ७४ धावांची नाबाद वादळी खेळी केली. तर नॅट स्किव्हरने ४६ चेंडूत १३ चौकारांसह ७० धावांची खेळी केली. यासह मुंबई इंडियन्सनने ४ विकेट्स गमावत १९५ धावा केल्या. दिल्लीकडून नंदनी शर्मा, चिनेल हेन्री व श्रीचरणी यांनी १-१ विकेट्स घेतल्या. यासह दिल्ली कॅपिटल्सला मुंबई इंडियन्सनने विजयासाठी १९६ धावांचं लक्ष्य दिलं आहे.

मुंबईची कर्णधार हरमनप्रीत कौरची बॅट चांगलीच तळपली आहे. हरमनने दिल्लीविरूद्ध ३२ चेंडूत चौकार ३ षटकारांसह तिने ५३ धावा करत अर्धशतक झळकावलं आहे. यासह मुंबईची धावसंख्या १६०च्या पुढे गेली आहे.

नॅट स्किव्हर ब्रंट ७० धावा करत हरमनप्रीत कौरच्या साथीने वेगाने धावा करत होती. पण श्रीचरणीने मात्र तिला माघारी धाडलं आहे. १५व्या षटकात श्रीचरणीच्या गोलंदाजीवर मोठा फटका खेळण्याच्या प्रयत्नात नॅटला जेमिमाने झेलबाद केलं. नॅट ४६ चेंडूत १३ चौकारांसह ७० धावा करत झेलबाद झाली.

दिल्लीकडून पदार्पण केलेली खेळाडू नंदनी शर्मा हिला पहिली विकेट मिळाली आहे. कमालिनीने तिच्या षटकातील पहिल्या दोन्ही चेंडूवर चौकार लगावत सुरूवात केली. पण पुढचा चेंडू तिच्या बॅटची कड घेत विकेटकिपरच्या हातात गेला, यासह मुंबईला दुसरा धक्का बसला.

मुंबईची पुन्हा एकदा खराब सुरूवात झाली आहे. हिली मॅथ्यूज संघात नसल्याचा मुंबईला दुसऱ्या सामन्यातही फटका बसला आहे. सलामीवीर अमेलिया कर चिनेल हेन्रीच्या दुसऱ्या षटकातील पहिल्याच चेंडूवर झेलबाद झाली. त्यामुळे मुंबईला २ धावांवर पहिली विकेट गमावावी लागली.

शफाली वर्मा, लिझेल ली (विकेटकिपर), लॉरा वोल्वार्ड, जेमिमाह रॉड्रिग्स (कर्णधार), मारिझान काप, निकी प्रसाद, चिनेल हेन्री, स्नेह राणा, मिन्नू मणी, श्री चरणी, नंदनी शर्मा

वुमन्स प्रीमियर लीगमधील पहिला डबल हेडर सामना आज १० जानेवारीला खेळवला जात आहे. यातील पहिला सामना गुजरात जायंट्स आणि युपी वॉरियर्ज यांच्यात खेळवण्यात आला, ज्यात गुजरातने विजय मिळवला. तर दुसरा सामना आज दिल्ली कॅपिटल्स आणि मुंबई इंडियन्स यांच्यात होत आहे.