MI vs RCB IPL 2026: मुंबई इंडियन्सची पराभवाची हॅटट्रिक, आरसीबीचा वानखेडेवर सलग दुसरा विजय

इम्पॅक्ट प्लेअर म्हणून आलेल्या शेरफेन रूदरफोर्डने कडवी झुंज देत आयपीएल कारकीर्दीतील आपलं पहिलं अर्धशतक झळकावलं आहे. रूदरफोर्डने २६ चेंडूत १ चौकार व ६ षटकारांसह अर्धशतक झळकावलं.

रसिक दर सलामने १६व्या षटकात नमन धीरला झेलबाद केलं आणि संघाला विजयाच्या अजून एक पाऊल पुढे नेलं. रसिक सलामला षटकादरम्यान अनेकदा पायाला दुखापतीचा त्रास झाला. पण तरीही तो सातत्यान गोलंदाजी करत होता.

कृणाल पंड्याने १३व्या षटकात सूर्यकुमार यादवला झेलबाद करत मुंबईला मोठा धक्का दिला आहे. सूर्या ३२ धावा करत बाद झाला आहे. यासह मुंबईला आता विजयासाठी ४६ चेंडूत १२० धावांची गरज आहे.

आठव्या षटकात सुयश शर्मा फलंदाजीला आला आणि त्याने येताच पहिल्या चेंडूवर रायन रिकल्टनला झेलबाद करत संघाला मोठा विकेट मिळवून दिला. रिकल्टन २२ चेंडूत ३६ धावांची खेळी करत बाद झाला. यासह मुंबईने ७ षटकांत ७२ धावा केल्या आहेत. मुंबईला विजयासाठी ७७ चेंडूत १६९ धावांची गरज आहे.

ट्रेंट बोल्टने अखेरच्या षटकात एक विकेट घेत यॉर्करच्या मदतीने उत्कृष्ट षटक टाकलं. पण टीम डेव्हिडने अखेरच्या चेंडूवर षटकार खेचत आरसीबीला २४० धावांचा पल्ला गाठून दिला. यासह आऱसीबीने २० षटकांत ४ बाद २४० धावा केल्या आहेत. या मोठ्या धावसंख्येत विराट कोहलीचं अर्धशतक, फिल सॉल्टच्या ७८ धावा तर रजत पाटीदारच्या ५३ धावा आणि टीम डेव्हिडच्या नाबाद ३४ धावांचं मोठं योगदान आहे. त्यामुळे मुंबई इंडियन्सला जर हा सामना जिंकायचा असेल तर २० षटकांत २४१ धावांचं मोठं लक्ष्य गाठावं लागणार आहे.

आरसीबीने १७व्या षटकात २०० धावांचा पल्ला गाठला आहे. मैदानावर आता जितेश शर्मा व टीम डेव्हिडची जोडी आहे. त्यामुळे संघ उर्वरिक षटकांमध्ये किती धावा करणार, यावर सर्वांच्या नजरा आहेत.

विराट कोहलीने मुंबई इंडियन्सविरूद्ध सामन्यात आयपीएलमधील ६५वं अर्धशतक झळकावलं आहे. एका टोकाकडून फटकेबाजी होत असताना विराटने सावधपणे आपला डाव पुढे नेला यासह विराटने ३७ चेंडूत अर्धशतक पूर्ण केलं आहे. अर्धशतकानंतर पुढच्या चेंडूवर मोठा फटका खेळताना विराट कोहली झेलबाद झाला आहे.

मुंबई इंडियन्सला ११व्या षटकात पहिली विकेट मिळाली आहे. शार्दुल ठाकूरने ११व्या षटकातील पाचव्या चेंडूवर चतुराईने फिल सॉल्टला बाद करत मुंबईला मोठी विकेट मिळवून दिली. विराट व सॉल्टने मिळून १२० धावांची भागीदारी रचली होती. सॉल्ट ३६ चेंडूत ६ चौकार व ६ षटकारांसह ७८ धावांची खेळी केली.

फिल सॉल्टला सूर गवसला असून त्याने वानखेडेच्या मैदानावर वादळी फटकेबाजी केली आहे. सॉल्टने २५ चेंडूत ४ चौकार व ४ षटकारांसह आपलं अर्धशतक पूर्ण केलं. या अर्धशतकानंतर त्याने आरसीबीच्या डगआऊटकडे पाहून छाती ठोकत आक्रमक सेलिब्रेशन केलं. सॉल्टने याच आठव्या षटकात ३ चौकार व एका षटकारासह दणदणीत सेलिब्रेशन केलं आहे. यासह ८ षटकांत आरसीबीने बिनबाद ९५ धावा केल्या आहेत.

फिल सॉल्टने पाचव्या षटकात मिचेल सँटनरची चांगलीच धुलाई केली आहे. सॉल्टने सलग तीन चेंडूंवर ३ षटकार लगावत दणक्यात सुरूवात केली. यानंतर चौथ्या चेंडूवर त्याने चौकार खेचला. यासह ५ षटकांत आरसीबीने बिनबाद ६५ धावा केल्या आहेत.

फिल सॉल्ट, विराट कोहली, देवदत्त पडिक्कल, रजत पाटीदार (कर्णधार), टिम डेव्हिड, जितेश शर्मा (यष्टीरक्षक), रोमॅरियो शेफर्ड, कृणाल पंड्या, भुवनेश्वर कुमार, जेकब डफी, सुयश शर्मा

मुंबई इंडियन्स आणि रॉयल चॅलेंजर्स बंगळुरू सामन्याची नाणेफेक झाली असून मुंबईने जिंकली असून प्रथम गोलंदाजी करण्याचा निर्णय घेतला आहे. यासह आरसीबीचा संघ प्रथम फलंदाजीने सामन्याला सुरूवात करेल.

मुंबई इंडियन्स आणि रॉयल चॅलेंजर्स बंगळुरू यांच्यातील सामना ७.३० वाजता सुरू होणार असून ७ वाजता सामन्याची नाणेफेक होणार आहे.