MI vs SRH: हैदराबादचा मुंबईवर दणदणीत विजय! मुंबईचा संघ फक्त कागदावर बेस्ट अन् मैदानात फेल

सनरायझर्स हैदराबाद संघाने मुंबईने दिलेल्या २४४ धावांच्या लक्ष्याचा पाठलाग करताना १९व्या षटकात ६ विकेट्सने सहज विजय मिळवला. यासह मुंबईने घरच्या मैदानावर सलग चौथा सामना गमावला आहे. हेनरिक क्लासेनने ६० धावांची खेळी करत संघाच्या विजयावर शिक्कामोर्तब केला. तर सलील अरोराने हार्दिकच्या १९व्या षटकात चौकार-षटकारांची आतिषबाजी करत संघाला विजय मिळवून दिला.

१७व्या षटकात ट्रेंट बोल्टच्या दुसऱ्या चेंडूवर मोठा फटका खेळण्याच्या प्रयत्नात नितीश रेड्डी झेलबाद झाला. आता हैदराबादला विजयासाठी २२ चेंडूत ३१ धावांची गरज आहे.

हैदराबादने सलग ३ विकेट्स गमावल्यानंतर हेनरिक क्लासेनने संघाचा डाव सावरला आहे. क्लासेनने १२ चेंडूत ३१ धावा केल्या आहेत. यासह १२ षटकांत हैदराबादने ३ बाद १६८ धावा केल्या आहेत.

अभिषेक शर्मा व ट्रॅ्व्हिस हेडच्या जोडीने मुंबई इंडियन्सची चांगलीच धुलाई करत १२९ धावांची भागीदारी रचली होती. नवव्या षटकात अल्लाह गझनफर पुन्हा गोलंदाजीला आला. त्याच्या चौथ्या चेंडूवर अभिषेक शर्मा मोठा फटका खेळताना झेलबाद झाला. यानंतर पाचव्या चेंडूवर इशान किशन क्लीन बोल्ड झाला. यासह मुंबईला २ चेंडूत २ विकेट्स मिळाल्या. ९ षटकांनंतर सामन्याचं चित्र २ बाद १३० धावा झाल्या आहेत. आता हैदराबादला विजयासाठी ६६ चेंडूत ११४ धावांची गरज आहे.

मुंबई इंडियन्सने दिलेल्या २४४ धावांच्या लक्ष्याचा पाठलाग करताना हैदराबादने दणक्यात सुरूवात करून दिली आहे. पहिल्या ३ षटकांत अभिषेक शर्मा व ट्रॅव्हिस हेड यांनी ४३ धावांची खेळी केली.

सनरायझर्स हैदराबादच्या गोलंदाजांनी अखेरच्या षटकांमध्ये उत्कृष्ट गोलंदाजी केली. २०व्या षटकात प्रफुल हिंगेच्या गोलंदाजीवर तिलक वर्मा मोठा फटका खेळण्याच्या प्रयत्नात झेलबाद झाला.

रायन रिकल्टनने ४४ चेंडूत वेगवान शतक झळकावलं आणि पुढच्या चेंडूवर १ चौकार लगावला. यानंतर त्याच्या पुढच्या प्रफुल हिंगेच्या षटकात हार्दिक पंड्याने २१ धावा कुटल्या. यासह १६व्या षटकात मुंबईने २०० धावांचा पल्ला पार केला आहे.

प्रफुल हिंगेला १४वं षटक टाकण्याची जबाबदारी देण्यात आली. या षटकातील चौथ्या चेंडूवर त्याने नमन धीरला झेलबाद केलं. नमन मोठा फटका खेळण्याच्या प्रयत्नात झेलबाद झाला. यासह मुंबईची धावसंख्या १३.४ षटकांत ४ बाद १६५ धावा आहे.

विल जॅक्स बाद झाल्यानंतर सूर्यकुमार यादव तिसऱ्या क्रमांकावर फलंदाजीला आला. सूर्याने पहिल्या चेंडूवर चौकार मारत सामन्याला सुरूवात केली. पण पुन्हा एकदा तो फक्त ५ धावा करत बाद झाला. पूल मारण्याच्या प्रयत्नात सूर्यकुमार झेलबाद झाला. यंदाच्या आयपीएलमध्ये सूर्या खूप खराब फॉर्मात असून त्याचा हा खराब फॉर्म कायम राहिला आहे. यासह ८.४ षटकांनंतर मुंबई २ बाद १११ धावांवर खेळत आहे.

मुंबई इंडियन्सकडून रायन रिकल्टन व विल जॅक्सच्या जोडीने पहिल्या विकेटसाठी ९३ धावांची भागीदारी रचली होती. यासह विकेटच्या प्रतिक्षेत असलेल्या सनरायझर्स हैदराबादने नितीश रेड्डीला गोलंदाजीसाठी पाठवलं. त्याच्या पहिल्याच चेंडूवर मोठा फटका खेळण्याच्या प्रयत्नात विल जॅक्स झेलबाद झाला. जॅक्सच्या बॅटची कड घेत चेंडू इशानच्या हातात गेला आणि मुंबईला पहिला धक्का बसला. मुंबईची स्थिती ७.१ षटकानंतर १ बाद ९३ धावा अशी आहे.

मुंबई इंडियन्सने ४.१ षटकांत बिनबाद ५० धावांचा पल्ला पार केला आहे. फिरकीपटू हर्ष दुबेच्या गोलंदाजीवर विल जॅक्सने षटकार खेचला आणि संघाचं अर्धशतक पूर्ण केलं.

मुंबई इंडियन्स आणि सनरायझर्स हैदराबाद सामन्याला सुरूवात झाली असून रायन रिकल्टन व विल जॅक्सची जोडी मैदानावर उतरली आहे. तर हैदराबादकडून पॅट कमिन्सने गोलंदाजीला सुरूवात केली आहे.

रायन रिकल्टन, विल जॅक्स, नमन धीर, सूर्यकुमार यादव, तिलक वर्मा, हार्दिक पंड्या (कर्णधार), रॉबिन मिन्झ, ट्रेंट बोल्ट, जसप्रीत बुमराह, एएम गझनफर, अश्वनी कुमार

सनरायझर्स हैदराबादविरूद्ध सामन्याची नाणेफेक मुंबई इंडियन्सने जिंकत प्रथम फलंदाजी करण्याचा निर्णय घेतला आहे. यासह सनरायझर्स हैदराबाद संघ गोलंदाजीने सामन्याला सुरूवात करणार आहे.