MI-W vs GG-W Highlights: गुजरात जायंट्स ऑल आऊट, मुंबई इंडियन्सची अंतिम फेरीत दणक्यात एन्ट्री

हिली मॅथ्यूजने १६ व्या षटकात तिसऱ्या चेंडूवर भारती फुलमालीला क्लीन बोल्ड करत मुंबईच्या विजयाच्या आशा उंचावल्या. तर अमेलिया करने १८व्या षटकातील पहिल्या चेंडूवर सिमरन शेखला झेलबाद करत मुंबईला आठवी विकेट मिळाली. कॅप्टन हरमनप्रीत कौरने उत्कृष्ट झेल टिपला.

१२ व्या षटकातील पाचव्या चेंडूवर अमेलिया करने मोठी विकेट मिळवली. लिचफिल्ड मोठा फटका खेळण्यासाठी पुढे आली आणि चेंडू खेळायला चुकली. चेंडू थेट विकेटकिपर यस्तिकाच्या हातात गेला आणि तिने स्टंपिंग करत महत्त्वाची विकेट मिळवली. लिचफिल्ड २० चेंडूत ४ चौकार आणि एका षटकारासह ३१ धावा करत बाद झाली.

गुजरात जायंट्सकडून फिबी लिचफिल्ड आणि डॅनियल गिब्सन यांनी संघाचा डाव सावरला होता. पण एक जास्तीची धाव घेण्यात डॅनियल गिब्सन धावबाद झाली. यासह गुजरातला १०व्या षटकात दुसरी विकेट मिळाली. तर गुजरातने १० षटकांत ४ बाद ८८ धावा केल्या आहेत.

सामन्यातील पाचव्या षटकातील दुसऱ्या चेंडूवर हरलीन देओल धावबाद झाली. हरलीनने चेंडू खेळून एक धाव घेण्याचा प्रयत्न केला पण संस्कृती गुप्ताने चांगली फिल्डिंग करत पटकन चेंडू विकेटकिपर यस्तिकाच्या दिशेने थ्रो केला आणि संघाला दुसरी विकेट मिळवून दिली.

मुंबईने दिलेल्या २१४ धावांच्या लक्ष्याचा पाठलाग करताना गुजरातला मोठा धक्का बसला आहे. संघाची महत्त्वाची फलंदाज आणि सलामीवीर बेथ मुनी अवघ्या ६ धावा करत बाद झाली. गुजरातच्या डावातील पाचव्या चेंडूवर शबनम इस्माईलने उत्कृष्ट चेंडू टाकत इस्माईलने मूनीला हिलीकरवी स्लिपमध्ये झेलबाद केलं.

काश्वी गौतमच्या १७व्या षटकातील पहिल्याच चेंडूवर हिली मॅथ्यूज विकेटच्या मागे झेलबाद झाली. विकेटकिपर बेथ मूनीने एक कमालीचा झेल टिपला. यासह मुंबईने १७ षटकांत २ बाद १६६ धावा केल्या आहेत.

मुंबईची सलामीवीर हिली मॅथ्यूजने प्रिया मिश्राच्या आठव्या षटकात सलग तीन चौकार लगावत मुंबईच्या धावांमध्ये महत्त्वपूर्ण भर घातली आहे. प्रिया मिश्राच्या षटकातील पहिल्या ३ चेंडूवर हिलीने शानदार फटकेबाजी करत चौकार लगावले. यासह मुंबईने ८ षटकांत १ बाद ६५ धावा केल्या.

मुंबई इंडियन्सला ५व्या षटकात पहिला धक्का बसला. डिएंड्रा डोटिनच्या जागी संघात आलेल्या गिब्सनला तिच्या पहिल्या षटकातील दुसऱ्याच चेंडूवर पहिली विकेट मिळाली. यासह यस्तिका १५ धावा करत बाद झाली. तर मुंबईने ५ षटकांत १ बाद ३१ धावा केल्या आहेत.

मुंबई इंडियन्स संघाने एलिमिनेटर सामन्यात संघात मोठा बदल केला आहे. फिरकीपटू पारूनिका सिसोदियाच्या जागी अनुभवी साईका इशाकला संघात संधी दिली आहे.

हिली मॅथ्यूज, अमेलिया कर, नॅट स्किव्हर-ब्रंट, हरमनप्रीत कौर (कर्णधार), अमनजोत कौर, यास्तिका भाटिया (यष्टीरक्षक), सजीवन सजना, जी कमलिनी, संस्कृती गुप्ता, शबनीम इस्माईल, सायका इशाक

गुजरात जायंट्स संघाने नाणेफेक जिंकली असून प्रथम गोलंदाजी करण्याचा निर्णय घेतला आहे. तर मुंबई इंडियन्सचा संघ प्रथम फलंदाजी करताना दिसणार आहे. गुजरात संघात अखेरच्या क्षणी मोठा बदल झाला आहे. तर मुंबईच्या संघातही एक बदल पाहायला मिळत आहे.

गुजरातने आठ सामन्यांपैकी ४ सामने जिंकले तर ४ सामन्यात त्याला पराभव पत्करावा लागला. यासह गुजरातचा संघ ८ गुणांसह तिसऱ्या स्थानी आहे आणि वुमन्स प्रीमियर लीगच्या तिसऱ्या सीझनच्या प्लेऑफमध्ये आपले स्थान पक्क केलं.

हरमनप्रीत कौरच्या नेतृत्वाखाली मुंबई हा सामना जिंकून अंतिम फेरीत स्थान मिळवण्याचा प्रयत्न करेल, पण त्यांच्यासमोर एश्ले गार्डनरच्या नेतृत्वाखाली गुजरात जायंट्स संघ आहे, ज्याने साखळी सामन्यांमध्ये चांगली कामगिरी केली आहे. साखळी सामन्यांनंतर मुंबई संघ १० गुणांसह गुणतालिकेत दुसऱ्या स्थानावर आहे, तर गुजरात संघ ८ गुणांसह तिसऱ्या स्थानावर आहेत. तर युपी आणि आरसीबीचा संघ साखळी फेरीतून स्पर्धेतून बाहेर झाले आहेत.

बेथ मुनी (यष्टीरक्षक), काश्वी गौतम, हरलीन देओल, ऍशले गार्डनर (कर्णधार), फोबी लिचफिल्ड, डिआंड्रा डॉटिन, भारती फुलमाली, सिमरन शेख, तनुजा कंवर, मेघना सिंग, प्रिया मिश्रा, लॉरा वोल्वार्ड, डॅनिएल गिब्सन, दयालन हेमलता, मन्नत कश्यप, शबनम एमडी शकील, प्रकाशिका नाईक, सायली सातघरे