जागतिक युवा अ‍ॅथलेटिक्स स्पर्धा : भारताच्या मिश्र रिले संघाला कांस्यपदक

महिलांच्या ४०० मीटर शर्यतीत प्रियाने दुसऱ्या विभागात तिसरे स्थान मिळवून अंतिम फेरी गाठली आहे.

 नैरोबी : भारताच्या मिश्र रिले संघाने बुधवारी जागतिक युवा (२० वर्षांखालील) अ‍ॅथलेटिक्स अजिंक्यपद स्पध्रेतील ४ बाय ४०० मीटर शर्यतीमध्ये कांस्यपदक जिंकण्याचा पराक्रम दाखवला.

बी. श्रीधर, प्रिया मोहन, सुमी आणि कपिल यांचा समावेश असलेल्या भारतीय संघाने अंतिम फेरीत ३:२०.६० सेकंद अशा वेळेसह तिसरा क्रमांक मिळवला. नायजेरियाच्या संघाने (जॉन्सन नामानी, इमाओबाँग उको, ओपेयेमी ओकी, बॅमिंडेले अजायी) ३:१९.७० सेकंद वेळेसह सुवर्णपदक जिंकले, तर पोलंड संघाने (मायकेल रॉबेल, कॉर्नेलिआ लेसिविझ, अ‍ॅलिक्जा कॅझमारेक, पॅट्रिक ग्रझेगॉझेविझ) यांनी ३:१९.८० सेकंद वेळेसह रौप्यपदक पटकावले.

त्याआधी, सकाळच्या सत्रात भारताच्या मिश्र संघाने अंतिम फेरी गाठताना ३:२३.३६ सेकंद अशा स्पध्रेमधील विक्रमी वेळ गाठली. मग दुसऱ्या विभागात नायजेरियाच्या संघाने ३:२१.६६ सेकंद वेळेसह शर्यत पूर्ण करीत हा विक्रम मोडीत काढला.

महिलांच्या ४०० मीटर शर्यतीत प्रियाने दुसऱ्या विभागात तिसरे स्थान मिळवून अंतिम फेरी गाठली आहे. सुमी आपल्या गटात पाचवी आल्यामुळे अंतिम फेरी गाठू शकली नाही. गोळाफेकीत अमनदीप सिंग धलिवालने (१७.९२ मीटर अंतर) अंतिम फेरीत स्थान मिळवले आहे. हातोडाफेक प्रकारात विपिन कुमारला (६३.१७ मीटर) २४ स्पर्धकांपैकी २०व्या क्रमांकावर समाधान मानावे लागले.

जागतिक युवा अ‍ॅथलेटिक्स स्पध्रेतील पदकविजेते

अ‍ॅथलेटिक्सपटू                 क्रीडा प्रकार                   वर्ष                              पदक

सीमा अँटिल                    थाळीफेक                      २००२                          कांस्य

नवजीत कौर ढिल्लाँ         थाळीफेक                       २०१४                         कांस्य

नीरज चोप्रा                     भालाफेक                       २०१६                         सुवर्ण

हिमा दास                      ४०० मीटर                       २०१८                          सुवर्ण

बी. श्रीधर, कपिल            मिश्र रिले                        २०२१                         कांस्य

प्रिया मोहन, सुमी

 

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Mixed relay squad claims bronze medal in world u 20 athletics championships zws

Next Story
विजयी भव !
ताज्या बातम्या