मेलबर्न : कारकीर्दीतील विक्रमी २१व्या ग्रँडस्लॅमच्या दिशेने मार्गक्रमण करणाऱ्या स्पेनच्या राफेल नदालने मंगळवारी ऑस्ट्रेलियन खुल्या टेनिस स्पर्धेत झंझावाती विजय नोंदवून दिमाखात उपांत्य फेरी गाठली. तर जागतिक क्रमवारीत अग्रस्थानी विराजमान असलेल्या अ‍ॅश्ले बार्टीने प्रतिस्पर्धीवर सहज मात करताना वर्चस्वमालिका कायम राखली.

या बातमीसह सर्व प्रीमियम कंटेंट वाचण्यासाठी साइन-इन करा

रॉड लेव्हर एरिना येथे झालेल्या पुरुष एकेरीच्या पहिल्या उपांत्यपूर्व लढतीत स्पेनच्या सहाव्या मानांकित नदालने कॅनडाच्या १४व्या मानांकित डेनिस शापोवालोव्हचे आव्हान ६-३, ६-४, ४-६, ३-६, ६-३ असे तब्बल पाच सेटमध्ये मोडीत काढले. चार तास आणि १२ मिनिटे रंगलेला हा सामना जिंकून ३५ वर्षीय नदालने सातव्यांदा ऑस्ट्रेलियन स्पर्धेच्या उपांत्य फेरीत प्रवेश केला. शुक्रवारी त्याची इटलीच्या सातव्या मानांकिन मॅटेओ बेरेट्टिनीशी गाठ पडेल.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.
Web Title: Nadal and barty storm into australian open semis zws
First published on: 26-01-2022 at 02:05 IST