१० ओव्हरमध्ये अवघ्या २१ धावात ६ विकेट्स; बांगलादेशच्या नाहिद राणाने रचला नवा विक्रम

एकमेव कसोटीत शतक झळकावणाऱ्या इनोसंट कियाला नाहिदने नुरूल हसनकडे झेल देण्यास भाग पाडलं. त्यानेच सिकंदर रझाला तंबूत धाडलं. वेस्ले माढिवरेला त्याने भोपळाही फोडू दिला नाही. ब्रॅड इव्हान्सला बाद करत नाहिदने झिम्बाब्वेच्या डावाला खिंडार पाडलं. ही नाहिदची पाचवी विकेट होती. झिम्बाब्वेचा कर्णधार रिचर्ड नकाराग्वाला बाद करत नाहिदने सहा विकेट्स घेण्याची करामत केली. नाहिदने १० षटकांमध्ये २ निर्धाव षटकांसह अवघ्या २१ धावांच्या मोबदल्यात ६ विकेट्स टिपल्या. झिम्बाब्वेचा डाव १४१ धावांतच आटोपला.

बांगलादेशसाठी याआधी मश्रफी मुर्तझा, रुबेल हुसेन, रिशाद हुसेन, मुस्ताफिझूर रहमान, शोरिफुल इस्लाम यांनी डावात ६ विकेट्स घेतल्या आहेत. मात्र नाहिदने सगळ्यात कमी धावा देत ६ विकेट्स धावा घेत बांगलादेशसाठी वनडेत सर्वोत्कृष्ट कामगिरीची नोंद केली.