पीटीआय, चेन्नई

भारताचा तारांकित फलंदाज विराट कोहली इंग्लंडविरुद्धच्या तिसऱ्या आणि चौथ्या कसोटी सामन्यांनाही मुकण्याची शक्यता आहे. वैयक्तिक कारणास्तव तो पहिल्या दोन सामन्यांतही खेळू शकला नव्हता. कोहलीसारख्या जागतिक दर्जाच्या खेळाडूची भारतीय संघाला उणीव भासणार यात शंकाच नाही. मात्र, त्याच्या अनुपलब्धतेमुळे भारतीय संघाचेच नाही, तर या मालिकेचे आणि जागतिक क्रिकेटचे खूप नुकसात होत आहे, असे मत इंग्लंडचा माजी कर्णधार नासिर हुसेनने व्यक्त केले.

Rr Vs Gt Ipl 2024 Sanju Samson 50th Match As Captain
RR vs GT : संजू सॅमसनने ५०व्या सामन्यात केला खास पराक्रम, ‘या’ बाबतीत रोहित शर्मासह तीन कर्णधारांना टाकले मागे
Despite the efforts of PR Sreejesh the Indian hockey team lost
श्रीजेशच्या प्रयत्नांनंतरही भारतीय हॉकी संघाचा पराभव
IPL 2024 Royal Challenger Bengaluru vs Lucknow Super Giants Match Updates in Marathi
IPL 2024: मयंक यादवचा सामना करायला ऑस्ट्रेलियाचा दिग्गज उत्सुक
Mohit Sharma on Ravi Shastri's Comment
GT vs SRH : वयांवरुन खिल्ली उडवणाऱ्या रवी शास्त्रींना मोहित शर्माचे चोख प्रत्युत्तर; म्हणाला, ‘माझं वय वाढतंय…’

कोहलीच्या अनुपस्थितीत खेळताना भारताला हैदराबाद येथे झालेल्या पहिल्या कसोटीत इंग्लंडकडून पराभव पत्करावा लागला होता. मात्र, भारताने दमदार पुनरागमन करताना दुसऱ्या सामन्यात विजय मिळवत पाच सामन्यांच्या या मालिकेत १-१ अशी बरोबरी केली आहे. या मालिकेतील तिसरा सामना १५ फेब्रुवारीपासून राजकोट येथे खेळवला जाणार आहे.

हेही वाचा >>>U19 World Cup Semi Final: ठरलं! रविवारी भारत ऑस्ट्रलिया वर्ल्डकप फायनल; पाकिस्तानवर थरारक विजय

‘‘कोहली पुढील दोन कसोटी सामन्यांतही खेळणार नाही अशी चर्चा आहे. मात्र, भारतीय संघाची घोषणा झाल्यानंतरच नक्की काय ते कळू शकेल. तो आणखी किती सामन्यांना मुकणार हे निश्चित नाही. परंतु कोहलीसारख्या खेळाडूची अनुपलब्धता हा भारतासाठी खूप मोठा धक्का आहे. कोहली खेळत नसल्याने केवळ भारतीय संघाचे नाही, तर या मालिकेचे आणि जागतिक क्रिकेटचेही मोठे नुकसान होत आहे. मात्र, त्यामुळे या मालिकेचे महत्त्व कमी झालेले नाही. या मालिकेतील पहिले दोनही सामने चुरशीचे झाले आणि उर्वरित सामन्यांतही दोन्ही संघ दर्जेदार खेळ करतील यात शंका नाही,’’ असे हुसेन म्हणाला.