मुंबई : दादर येथील हालारी विसा ओसवाल समाज हॉल येथे सुरू असलेल्या ४९व्या वरिष्ठ राष्ट्रीय अजिंक्यपद कॅरम स्पर्धेत महिलांच्या आंतरराज्य सांघिक गटात महाराष्ट्राने तमिळनाडूवर २-१ असा विजय मिळवत जेतेपद प्राप्त केले. महिलांमध्ये तमिळनाडूच्या जे. अभिन्याने महाराष्ट्राच्या आकांक्षाला २१-१६, २४-११ असे नमवून संघाला चांगली सुरुवात करून दिली. परंतु चुरशीची झुंज देत महाराष्ट्राच्या केशर निर्गुणने तमिळनाडूच्या अविष्काला ५-२५, २५-१५, २५-० असे पराभूत करून बरोबरी साधली. मग दुहेरीत महाराष्ट्राच्या श्रुती सोनावणे व मैत्रेयी गोगटेने तमिळनाडूच्या एल. अम्मा शवर्थिनी व वी मिथराला जोडीला १५-११, १६-२२, १७-१५ असे हरवले. आंतरसंस्था सांघिक गटात पेट्रोलियम क्रीडा मंडळाने दुहेरी यश मिळवले.
