Neeraj Chopra luxury house video viral : भारताचा स्टार भालाफेकपटू नीरज चोप्राने पॅरिस ऑलिम्पिकमध्ये देशासाठी रौप्य पदक जिंकले. स्वातंत्र्यानंतर दोन पदके जिंकणारा नीरज हा देशातील पहिला खेळाडू आहे. यापूर्वी नीरजने टोकियोमध्ये सुवर्णपदक जिंकले होते. ऑलिम्पिक चॅम्पियन झाल्यानंतर नीरजवर करोडो रुपयांचा वर्षाव झाला. या पैशातून नीरजने आपल्या गावात एक आलिशान घर बांधले आहे. हे घर एखाद्या अभिनेत्याच्या किंवा नेत्याच्या घरापेक्षा कमी सुंदर नाही. ज्याचा व्हिडीओ आता सोशल मीडियावर व्हायरल होत आहे. नीरजच्या घरात दोन-दोन पार्किंग - भारताचा गोल्डन बॉय नीरजच्या घराचा व्हिडिओ सोशल मीडियावर व्हायरल होत आहे. नीरजच्या घराबाहेरच्या नेमप्लेटवर ‘चोप्रा’ असे लिहिले आहे. त्यावर ‘वसुदेव कुंतबकम’ लिहिले आहे म्हणजे संपूर्ण जग एक कुटुंब आहे. घरात प्रवेश करताच पार्किंग आहे. या पार्किंगमध्ये अनेक आलिशान वाहने आहेत. त्यात महिंद्रा थार, रेंज रोव्हर, मस्टँग अशा गाड्या आहेत. थोडे पुढे गेल्यावर महागड्या बाइक्ससाठी स्वतंत्र पार्किंग आहे. घराच्या अंगणात आहे मोठं मंदिर - नीरज चोप्राच्या घराच्या अंगणात एक मोठे मंदिरही आहे. घरभर झाडे-झाडे आहेत आणि सगळीकडे हिरवळ आहे. घराच्या मागच्या बाजूला दिवाणखाना आहे. येथे वर डिझायनर दिवे बसवले आहेत. खाली पांढरे सोफे आहेत आणि त्याच्या शेजारी एक पूल टेबल देखील आहे. जमिनीवर हिरवे गवतही दिसते. नीरजच्या बहुमजली घराच्या वरती तिरंगा लावण्यात आला आहे. हेही वाचा - ६,६,६,६,६…Kieron Pollard तात्यांचा कहर! राशिद खानच्या एकाच षटकात ठोकले तब्बल ‘इतके’ षटकार, VIDEO व्हायरल पॅरिस ऑलिम्पिक २०२४ मध्ये भारताच्या नीरजने भालाफेकच्या अंतिम फेरीत ८९.४५ मीटर भालाफेक करून रौप्य पदक जिंकले होते. त्याचवेळी पाकिस्तानच्या अर्शद नदीमने ९२.९७ मीटर थ्रो करून सुवर्णपदकावर कब्जा केला. १९९२ नंतर पहिल्यांदाच पाकिस्तानला ऑलिम्पिकमध्ये पदक मिळाले आहे. त्याचबरोबर भारताचा नीरज हा भारतीय ऑलिम्पिकच्या इतिहासात सुवर्ण आणि रौप्यपदक जिंकण्याचा मान मिळवणारा एकमेव खेळाडू ठरला आहे. नीरजने टोकियो ऑलिम्पिकमध्ये भारतासाठी सुवर्णपदक जिंकले होते.
