T20 WC : संघ स्पर्धेबाहेर झाल्यानंतर निराश झाला ‘चॅम्पियन’ क्रिकेटपटू; घेतला धक्कादायक निर्णय!

कोलकाता येथे त्यानं शेवटचा वनडे सामना खेळला होता.

Netherlands all-rounder Ryan ten Doeschate announces retirement
KKRकडून खेळलेल्या क्रिकेटरची निवृत्ती

टी-२० विश्वचषक २०२१ स्पर्धेत नेदरलँड्स संघ सुपर १२ मध्ये स्थान मिळवू शकला नाही. यामुळे निराश झालेल्या संघाचा स्टार अष्टपैलू खेळाडू रायन टेन डोश्काटेने आंतरराष्ट्रीय क्रिकेटला अलविदा केला आहे. पहिल्या फेरीच्या सामन्यात नेदरलँड्स नामिबियाकडून पराभूत झाला. यानंतर श्रीलंकेविरुद्धच्या सामन्यात डोश्काटे दिसला नाही.

क्रिकेट नेदरलँड्सने जारी केलेल्या निवेदनात डोश्काटेने म्हटले आहे, की हा एक कठीण दौरा होता, परंतु संघाचा भाग असणे चांगले होते. या संघाची व्यावसायिकता आणि बांधिलकी प्रेरणादायी आहे. मी खेळाडू, प्रशिक्षक आणि क्रिकेट संघटनेच्या सर्व लोकांचे आभार मानू इच्छितो.

दक्षिण आफ्रिकेमध्ये जन्मलेल्या टेन डोश्काटेने २००६ मध्ये श्रीलंकेविरुद्ध अॅम्स्टेलवीन येथे एकदिवसीय क्रिकेटमध्ये पदार्पण केले. त्याने ३३ एकदिवसीय सामन्यांमध्ये १५४१ धावा केल्या, तर २४ टी-२० सामन्यांमध्ये ५३३ धावा जोडल्या. २०११च्या विश्वचषकात त्याने इंग्लंडविरुद्ध ११९ आणि आयर्लंडविरुद्ध १०६ धावा केल्या होत्या.

हेही वाचा – T20 World Cup : तीन वेळा संधी मिळूनही फलंदाजाला करता आले नाही धावचीत; पहा VIDEO

त्याने शेवटचा वनडे सामना २०११ मध्ये आयर्लंडविरुद्ध कोलकाता येथे खेळला होता. त्याचवेळी २००८ मध्ये केनियाविरुद्ध टी-२० क्रिकेटमध्ये पदार्पण केले. टी-२० विश्वचषकातील डोश्काटेला आयर्लंडविरुद्धच्या सामन्यात त्याला खाते उघडता आले नाही. नामिबियाविरुद्ध त्याला फलंदाजीची संधी मिळाली नाही. त्याने आयपीएलमध्ये २०११ ते २०१५ या काळात कोलकाता नाइट रायडर्सचे प्रतिनिधित्व केले होते. कोलकाताने जिंकलेल्या २०१२ व २०१४ आयपीएल विजेतेपदांमध्ये त्याची महत्त्वपूर्ण भूमिका होती.

Loksatta Telegram लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

मराठीतील सर्व क्रीडा बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App. ताज्या बातम्या (latest News) फेसबुक , ट्विटरवरही वाचता येतील.

Web Title: Netherlands all rounder ryan ten doeschate announces retirement adn

Next Story
मुंबई इंडियन्सच्या सरावाला प्रारंभ
ताज्या बातम्या