New Zealand beat England by one run: न्यूझीलंड आणि इंग्लंड यांच्यातील दोन सामन्यांच्या कसोटी मालिकेतील शेवटचा सामना वेलिंग्टन येथे खेळला गेला. किवी संघाने या सामन्यात अवघ्या एका धावेने शानदार विजय मिळवला. या सामन्यात कधी इंग्लंड तर कधी न्यूझीलंडचा वरचड दिसत होते. कधी इंग्लंड संघ सामना सहज जिंकेल असे वाटत असताना न्यूझीलंडने विजय मिळवला. विजयानंतर न्यूझीलंडच्या खेळाडूंने एकच जल्लोष केला, जो जेम्स अँडरसनही पाहतच राहिला.

वास्तविक, इंग्लंड संघाची शेवटची जोडी मैदानात होती. इंग्लिश संघाला विजयासाठी फक्त ७ धावा करायच्या होत्या. जेम्स अँडरसनने जॅक लीचला साथ दिली. या ७ धावांपैकी एक धाव जॅक लीचने काढली आणि जेम्स अँडरसनच्या बॅटमधून एक चौकार आला. अशा स्थितीत इंग्लंडचा संघ हा सामना जिंकेल असे मानले जात होते, पण किवी संघ हार मानत नव्हता.

Sunrisers Hyderabad vs Mumbai Indians IPL 2024 Live Score in Marathi
IPL 2024 SRH vs CSK Highlights: चेन्नईचा सलग दुसरा पराभव, हैदराबादने ६ विकेट्सने सहज जिंकला सामना
IPL 2024 Royal Challenger Bengaluru vs Lucknow Super Giants Match Updates in Marathi
IPL 2024: मयंक यादवचा सामना करायला ऑस्ट्रेलियाचा दिग्गज उत्सुक
Shubman Gill fined 12 lakhs
IPL 2024 : गुजरात टायटन्सला पराभवानंतर आणखी एक धक्का, कर्णधार शुबमन गिलला ‘या’ कारणासाठी ठोठावला दंड
Shikhar Dhawan First Batsman To Hit 900 Boundaries
IPL 2024 : शिखर धवनने पहिल्या सामन्यात रचला इतिहास, आयपीएलमध्ये ‘हा’ पराक्रम करणारा ठरला पहिलाच फलंदाज

न्यूझीलंडचा कर्णधार टीम साऊथी स्वत: गोलंदाजीची कमान सांभाळत होता. नील वॅगनर दुसऱ्या टोकाकडून गोलंदाजी करत होता. विजयासाठी दोन धावांची गरज असताना, वॅगनरच्या शेवटच्या षटकात चौकार मारणाऱ्या वॅगनरसमोर अँडरसन होता.

टीम साऊथीचे पुढचे षटक जॅक लीचविरुद्ध मेडन गेले होते आणि नील वॅगनर समोर अँडरसन होता. त्याने पहिला चेंडू विकेटच्या मागे जाऊ दिला. चेंडू उंचीने वाइड दिसत होता, पण अँडरसनची उंची पाहून अंपायरने त्याला बाउन्सर दिला. वॅग्नरने पुढचा चेंडू ऑनसाईड टाकला, ज्यावर अँडरसनला एक-दोन धावा काढायच्या होत्या, पण चेंडूने बॅटची कडा घेतली आणि विकेटच्या टॉम ब्लंडेलच्या हाती झेलबाद झाला. यानंतर किवी संघाचा आनंद पाहण्यासारखा होता.

हेही वाचा – IND vs AUS: टीम इंडियासाठी Virat Kohli बनला फिल्डिंग कोच; खेळांडूकडून करवून घेतला क्षेत्ररक्षणाचा सराव, पाहा मजेदार VIDEO

सामन्याबद्दल बोलायचे तर, इंग्लंडने आपल्या पहिल्या डावात ८ बाद ४३५ धावा केल्या होत्या. यानंतर न्यूझीलंडचा पहिला डाव २०९ धावांत गुंडाळला गेला. इथे बेन स्टोक्सने दुसरी आणि सर्वात मोठी चूक केली. २२६ धावांची आघाडी घेऊन स्टोक्सने न्यूझीलंडला फॉलोऑन देण्याचा निर्णय घेतला. इंग्लिश गोलंदाज आधीच थकले होते, त्यामुळे किवी फलंदाजांनी याचा फायदा घेत दुसऱ्या डावात ४८३ धावांची मजल मारली. त्यानंतर न्यूझीलंडने इंग्लंडसमोर विजयासाठी २५८ धावांचे लक्ष्य ठेवले होते, परंतु दुसऱ्या डावात संपूर्ण इंग्लिश संघ २५६ धावांवर गारद झाला.